വൈപ്പിന്‍ : കൊച്ചി അഴിമുഖത്ത് നേവിയുടെ കപ്പലിനുനേരേ അപകടകരമായ രീതിയില്‍ എത്തിയ മത്സ്യബന്ധന ബോട്ട് ഫോര്‍ട്ടുകൊച്ചി കോസ്റ്റല്‍ പോലീസ് കസ്റ്റഡിയിലെടുത്തു. കടലില്‍ മത്സ്യബന്ധനത്തിനു പോകുകയായിരുന്ന “ഇവാന്‍’ എന്ന മത്സ്യബന്ധന ബോട്ടാണ് കസ്റ്റഡിയിലെടുത്തത്. കൊച്ചിന്‍ പോര്‍ട്ട് കണ്‍ട്രോളറുടെ നിര്‍ദേശപ്രകാരമാണു നടപടി.
കഴിഞ്ഞ ദിവസം വൈകുന്നേരമായിരുന്നു സംഭവം. പരിശോധനയില്‍ ബോട്ടിന്റെ ലൈസന്‍സ് പുതുക്കിയിട്ടില്ലെന്നു കണ്ടെത്തിയതിനെ തുടര്‍ന്ന് ബോട്ട് ഫിഷറീസ് ഡിപ്പാര്‍ട്ട്മെന്റിനു കൈമാറിയതായി കോസ്റ്റല്‍ പോലീസ് സബ് ഇന്‍സ്പെക്ടര്‍ സംഗീത് ജോബ് അറിയിച്ചു.
