കോഴിക്കോട്: കോവിഡ്19 വ്യാപിക്കുന്ന സാഹചര്യത്തില്‍ കോഴിക്കോട് വിമാനത്താവളത്തില്‍ നിന്നുമുള്ള രാജ്യാന്തര സര്‍വീസുകള്‍ റദ്ദാക്കി. ഞായറാഴ്ച്ച മുതല്‍ മാര്‍ച്ച്‌ 29 വരെയുള്ള രാജ്യാന്തര സര്‍വീസുകളാണ് റദ്ദാക്കിയത്. ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ നിര്‍ദേശം അനുസരിച്ചാണ് നടപടി.
ഞായറാഴ്ച്ച രാവിലെ 5.30 മുതല്‍ കോഴിക്കോട്ടു നിന്നും തിരിച്ചും ഒരു രാജ്യാന്തര സര്‍വീസും ഉണ്ടായിരിക്കില്ല. നിരോധനം നിലവില്‍ വരും മുന്‍പ് (പ്രാദേശികസമയം പുലര്‍ച്ചെ 2.15) മസ്കറ്റില്‍ നിന്നു പുറപ്പെടുന്ന ഒമാന്‍ എയര്‍ രാവിലെ 7.10ന് കോഴിക്കോട്ടെത്തി 8.10ന് തിരികെ പോകുന്ന ഒമാന്‍ എയര്‍ 10.20ന് മസ്കറ്റില്‍ എത്തും. ഒമാന്‍ പൗരന്‍മാര്‍ക്കും ട്രാന്‍സിറ്റ് യാത്രക്കാര്‍ക്കും മാത്രമേ ഈ വിമാനത്തില്‍ യാത്ര അനുവദിക്കുള്ളൂ.
