പത്തനംതിട്ട : ഭക്ഷ്യസുരക്ഷയുമായി ബന്ധപ്പെട്ട് മികച്ച പ്രവര്‍ത്തനമാണ് സംസ്ഥാനത്ത് നടക്കുന്നതെന്ന് ആരോഗ്യമന്ത്രി വീണാ ജോര്‍ജ് പറഞ്ഞു. പത്തനംതിട്ട കളക്ടറേറ്റില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു മന്ത്രി.
ദേശീയ ഭക്ഷ്യ സുരക്ഷ നിയമത്തിന്റെ അടിസ്ഥാനത്തില്‍ ഭക്ഷ്യ സുരക്ഷാ പരിശോധനകള്‍ നടക്കുന്നുണ്ട്. പൊതുജനങ്ങള്‍ക്ക് ഭക്ഷ്യസുരക്ഷാ പരാതികളും ഫോട്ടോയും വീഡിയോയും അപ് ലോഡ് ചെയ്യുന്നതിന് ഗ്രിവന്‍സ് പോര്‍ട്ടലും ആപ്പും രൂപീകരിച്ചിരുന്നു. പ്രത്യേക സ്‌ക്വാഡുകള്‍ രൂപീകരിച്ച് വൈകുന്നേരങ്ങളില്‍ പ്രവര്‍ത്തിക്കുന്ന കടകളില്‍ ഭക്ഷ്യസുരക്ഷാ പരിശോധനകള്‍ നടത്തുന്നുണ്ട്.
വേനല്‍ക്കാലമായതിനാല്‍ പഴച്ചാറുകളിലെ പരിശോധനയും മത്സ്യ പരിശോധനയ്ക്കായി ഓപ്പറേഷന്‍ മത്സ്യയും സര്‍ക്കാര്‍ നടത്തുന്നുണ്ട്. ഭക്ഷ്യസുരക്ഷ വകുപ്പ് നടത്തിയ പരിശോധനകളുടെ അടിസ്ഥാനത്തില്‍ വകുപ്പിന്റെ ചരിത്രത്തില്‍ ഏറ്റവും കൂടുതല്‍ പിഴ ചുമത്തിയ വര്‍ഷമാണ് മാര്‍ച്ച്മാസം. തുടര്‍ന്നും പരിശോധനകള്‍ കര്‍ശനമായി മുന്നോട്ട് കൊണ്ടു പോകും. ഇതിന്റെ ഭാഗമായാണ് അടച്ച് പൂട്ടുന്ന ഭക്ഷണശാലകള്‍ വീണ്ടും തുറക്കണമെങ്കില്‍ കമ്മീഷണറുടെ അനുവാദം വേണമെന്ന തീരുമാനം സര്‍ക്കാര്‍തലത്തില്‍ എടുത്തത്. ഭക്ഷ്യ സുരക്ഷയുമായി ബന്ധപ്പെട്ട് നടത്തുന്ന പരിശോധനകളുടെ വാര്‍ത്തകള്‍ ജനങ്ങള്‍ അറിയുന്നതിന് മാധ്യമങ്ങള്‍ നല്‍കണമെന്നും മന്ത്രി പറഞ്ഞു.
പത്തനംതിട്ട അബാന്‍ മേല്‍പ്പാലവും കോഴഞ്ചേരി പാലവും ഈ സര്‍ക്കാറിന്റെ കാലത്ത് നിര്‍മാണം പൂര്‍ത്തീകരിക്കും. സ്ഥലം ഏറ്റെടുത്ത് സര്‍വേ കല്ലുകള്‍ സ്ഥാപിച്ച അബാന്‍ മേല്‍പാലത്തിന്റെ പ്രവര്‍ത്തനം നല്ല രീതിയില്‍ നടക്കുന്നുണ്ട്. കെഎസ്ഇബിയുടെ പ്രവര്‍ത്തനങ്ങള്‍ കോഴഞ്ചേരി പാല നിര്‍മാണവുമായി ബന്ധപ്പെട്ട് പുരോഗമിക്കുന്നതായും മന്ത്രി പറഞ്ഞു.
പന്തളത്ത് ഭിന്നശേഷിക്കാരിയായ കുട്ടിയെ ഉപദ്രവിച്ച സംഭവത്തില്‍ നടപടി എടുക്കുന്നതിന് നിര്‍ദേശിച്ചതനുസരിച്ച് പോലീസ് പ്രതിയെ അറസ്റ്റ് ചെയ്തു. സംഭവം അറിഞ്ഞിട്ടും ഒളിപ്പിക്കാന്‍ ശ്രമിച്ചവരെ സംബന്ധിച്ച് പരിശോധിക്കും.
നഗരത്തിലെ ഗതാഗതക്കുരുക്ക് വര്‍ദ്ധിക്കുന്ന സാഹചര്യത്തില്‍ പൈപ്പ് ഇടുന്നതിനായി പത്തനംതിട്ട നഗരത്തില്‍ കുഴിച്ച കുഴികള്‍ നികത്തി റോഡ് എത്രയും വേഗം നന്നാക്കുന്നതിനായി പൊതുമരാമത്ത് വാട്ടര്‍ അതോറിറ്റി ഉദ്യോഗസ്ഥര്‍ക്ക് നിര്‍ദേശം നല്‍കിയിട്ടുണ്ട്. സംസ്ഥാനസര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് ജില്ലയുടെ വികസനത്തിനായി കോന്നി, റാന്നി, ആറന്മുള കേന്ദ്രീകരിച്ച് ടൂറിസം പദ്ധതികള്‍ ആവിഷ്‌കരിച്ചിട്ടുണ്ട്.
ഹെറിറ്റേജ് ടൂറിസം, ക്ഷേത്രങ്ങള്‍, ആരാധനലയങ്ങള്‍ എന്നിവയുമായി ബന്ധപ്പെട്ട് എംഎല്‍എമാരുടെ പങ്കാളിത്തത്തോടെ ക്രമീകരണം ഒരുക്കും. മാന്നാറില്‍ ആരംഭിച്ച് ആറന്മുളയില്‍ അവസാനിക്കുന്ന പൈതൃക ടൂറിസം പദ്ധതിയുടെ ടെന്‍ഡര്‍ നടപടികള്‍ ആയിട്ടുണ്ട്. ചരിത്ര മ്യൂസിയം, ആറന്മുള കണ്ണാടി നിര്‍മ്മാണം തുടങ്ങിയവ കാണുന്നതിനുള്ള സൗകര്യങ്ങള്‍ ഒരുക്കി ജില്ലയുടെ ടൂറിസം ശക്തമാക്കാനുള്ള പ്രര്‍ത്തനങ്ങള്‍ നടക്കുന്നു. പത്തനംതിട്ട കെഎസ്ആര്‍ടിസി സ്റ്റേഷന്‍ സമുച്ചയം നിര്‍മാണ അപാകതയില്‍ അന്വേഷണം നടത്തി കുറ്റക്കാര്‍ക്കെതിരെ നടപടി സ്വീകരിക്കണമെന്നതാണ് സര്‍ക്കാര്‍ നിലപാടെന്നും മന്ത്രി പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
