കോഴിക്കോട്: പിഎം ശ്രീ പദ്ധതിയുമായി മുന്നോട്ടുപോകാനുള്ള യുഡിഎഫ് നീക്കം പിന്വലിക്കണമെന്ന് മുന് പൊതുവിദ്യാഭ്യാസ മന്ത്രിയും സിപിഎം നേതാവുമായ വി.ശിവന്കുട്ടി. പിഎം ശ്രീ പദ്ധതി നടപ്പിലാക്കില്ലെന്ന് എല്ഡിഎഫ് സര്ക്കാര് രേഖാമൂലം കേന്ദ്രസര്ക്കാരിനെ അറിയിച്ചതാണെന്നും ശിവന്കുട്ടി പറഞ്ഞു. പിഎം ശ്രീയില് ഒപ്പിട്ട് എല്ഡിഎഫ് സര്ക്കാര് പണം വാങ്ങിയിട്ടുണ്ടെന്ന് പൊതുവിദ്യാഭ്യാസ മന്ത്രി എന്.ഷംസുദ്ദീന് നേരത്തെ മാധ്യമങ്ങളോട് പ്രതികരിച്ചിരുന്നു. ഇതിനുപിന്നാലെയാണ് ശിവന്കുട്ടിയുടെ വിമര്ശനം.എല്ഡിഎഫ് സര്ക്കാര് പിഎം ശ്രീ പദ്ധതിയില് ആദ്യം ഒപ്പുവെച്ചിരുന്നു. എന്നാല് പിന്നീട് അത് ഒഴിവാക്കി. ഇതുസംബന്ധിച്ച് രേഖാമൂലം തന്നെ കത്ത് നല്കിയിരുന്നുവെന്നും ശിവന്കുട്ടി പ്രതികരിച്ചു.
പിഎം ശ്രീ പദ്ധതിയും എസ്എസ്കെ ഫണ്ടും വ്യത്യസ്തമാണ്. കണക്കുകളില് തന്നെ കേന്ദ്രം സംസ്ഥാനത്തോട് കാണിക്കുന്ന വിവേചനം വ്യക്തമാണെന്നും മുന് മന്ത്രി ചൂണ്ടിക്കാട്ടി.സംഘപരിവാര് നയം കേരളത്തില് നടപ്പാക്കാന് ശ്രമിക്കുന്ന യുഡിഎഫ് സര്ക്കാരിന്റെ നയം ഇപ്പോള് വ്യക്തമാകുകയാണ്. പദ്ധതി നടപ്പിലാക്കില്ലെന്ന് പ്രഖ്യാപിച്ച കെ.എം ഷാജി ഉള്പ്പെടെയുള്ളവര് എവിടെപ്പോയി? അന്ന് തങ്ങളെ വേട്ടയാടിയവര് ഇന്ന് പദ്ധതിക്കായി രംഗത്തുവന്നിരിക്കുന്നു. യുഡിഎഫ് സര്ക്കാര് കേന്ദ്രത്തിന് പാദവേല ചെയ്യുകയാണെന്നും വി.ശിവന്കുട്ടി വിമര്ശിച്ചു.
