തിരുവനന്തപുരം : ബി.ജെ.പിയുടെ സവിശേഷതകള് വിവരിക്കാനാ വശ്യപ്പെട്ടുള്ള സി.ബി.എസ്.ഇ ചോദ്യപേപ്പറിനെതിരെ മുന് എം.എല്.എ വര്ക്കല കഹാര് രംഗത്ത്. രാജ്യത്തെ പടുത്തുയര്ത്തുന്നതിലോ, വിദ്യഭ്യാസമേഖല മികവുറ്റതാക്കുന്നതിലോ യാതൊരു പങ്കും വഹിക്കാത്ത ബി.ജെ.പി ഇത്തരം പിന്തിരിപ്പന് നടപടികളിലൂടെ വിദ്യാഭ്യാസ മേഖലയെ തച്ചുതകര്ക്കുകയാണെന്ന് അദ്ദേഹം ഫേസ്ബുക്ക് കുറിപ്പിലൂടെ ആരോപിക്കുന്നു. ഇതിനെതിരെ സോഷ്യല് മീഡിയയിലൂടെ വ്യാപക വിമര്ശനമാണ് ഉണ്ടായിക്കൊണ്ടിരിക്കുന്നത്.
ഫേസ്ബുക്ക് പോസ്റ്റിന്റെ പൂര്ണ്ണരൂപം
പത്താം ക്ലാസ് സി.ബി.എസ്.ഇ പരീക്ഷയ്ക്ക് വിദ്യാര്ത്ഥികളോട് ചോദിച്ച ചോദ്യമാണ് ചുവടെ. ബി.ജെ.പിയുടെ അഞ്ച് സവിശേഷതകള് വിവരിക്കാനാണ് വിദ്യാര്ത്ഥികളോട് ആവശ്യപ്പെട്ടിരിക്കുന്നത്. രാജ്യത്തെ പടുത്തുയര്ത്തുന്നതിലോ, വിദ്യഭ്യാസമേഖല മികവുറ്റതാക്കുന്നതിലോ യാതൊരു പങ്കും വഹിക്കാത്ത ബി.ജെ.പി ഇത്തരം പിന്ന്തിരിപ്പന് നടപടികളിലൂടെ വിദ്യാഭ്യാസ മേഖലയെ തച്ചുതകര്ക്കുകയാണ്. കേന്ദ്ര സര്ക്കാറിന്റെ വിദ്യഭ്യാസ മേഖലയെ തകര്ക്കുന്ന നടപടികളില് പ്രതിഷേധിക്കുക.
