കരുനാഗപ്പള്ളി : ആലപ്പാട് വെള്ളനാതുരുത്ത് മൈനിങ് ഏരിയയിലെ കടലില്‍ കുളിക്കാനിറങ്ങി കാണാതായ രണ്ട് വിദ്യാര്‍ഥികളിലൊരാളുടെ മൃതദേഹം കണ്ടെത്തി. മരുതൂര്‍കുളങ്ങര തെക്ക് നിസാ മന്‍സിലില്‍ സാദത്ത്-നിസ ദമ്പതികളുടെ മകന്‍ ഇര്‍ഫാെന്‍റ (16) മൃതദേഹം ചൊവ്വാഴ്ച വൈകുന്നേരം 4.30 ഓടെ കണ്ടെത്തി. തിരയില്‍പെട്ട ഭാഗത്ത് നിന്ന് അല്‍പം അകലെയുള്ള പുലിമുട്ടുകളുടെ ഇടയിലാണ് മൃതദേഹം കണ്ടെത്തിയത്.
മത്സ്യത്തൊഴിലാളികളായ യുവാക്കളും കോസ്റ്റല്‍ പോലീസും ചേര്‍ന്ന് മൃതദ്ദേഹം കരക്കെത്തിച്ചു. ഇര്‍ഫാെന്‍റ മൃതദേഹം താലൂക്കാശുപത്രി മോര്‍ച്ചറിയില്‍. ബുധനാഴ്ച പോലീസ് നടപടികള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. സഹോദരി : ഇര്‍ഫാന. അയണിവേലികുളങ്ങര കോഴിക്കോട് ഇടപ്പുരയില്‍ വീട്ടില്‍ അര്‍ജുന്‍ നിവാസില്‍ കൃഷ്ണ ആര്‍ സത്യന്‍ (കണ്ണന്‍, 16) നെയാണ് കണ്ടെത്താനുള്ളത്.
സുഹൃത്തുക്കളായ എട്ടുപേര്‍ ഒരുമിച്ച്‌ സഹപാഠിയുടെ വീടിെന്‍റ പ്രവേശന ചടങ്ങില്‍ പങ്കെടുത്തതിനുശേഷമാണ് വെള്ളനാതുരുത്ത് ബീച്ചിലെത്തിയത്. കുളിക്കാനിറങ്ങുന്നതിനിടെ ഒരാള്‍ ഒഴുക്കില്‍പെട്ടതിനെ തുടര്‍ന്ന് രക്ഷിക്കാന്‍ ശ്രമിക്കുന്നതിനിടെ ശക്തമായ തിരയില്‍പെട്ട് രണ്ട് പേരെയും കാണാതായി. സംഭവമറിെഞ്ഞത്തിയ മത്സ്യത്തൊഴിലാളികളും നാട്ടുകാരും കരുനാഗപ്പള്ളിയില്‍ നിന്നെത്തിയ ഫയര്‍ഫോഴ്സും പോലീസും ചവറ കോസ്റ്റല്‍ പോലീസും ചേര്‍ന്ന് രാത്രി വൈകിയും തിരച്ചില്‍ നടത്തിയെങ്കിലും കണ്ടെത്താനായില്ല. ഇന്ന് രാവിലെയും തെരച്ചില്‍ നടത്തുമെന്ന് പോലീസ് പറഞ്ഞു. വിദ്യാര്‍ഥികളെ കടലില്‍ കാണാതായതറിഞ്ഞ് വിദ്യാര്‍ഥികളുടെ സഹപാഠികളും നാട്ടുകാരും അടക്കം വന്‍ ജനക്കൂട്ടമാണ് സംഭവസ്ഥലെത്തത്തിയത്.
