ഇലന്തൂർ : കാർഷിക മേഖലയിൽ കർഷകരുടെ ഉൽപ്പന്നങ്ങൾക്ക് മികച്ച ആധായം ലക്ഷ്യം വെച്ച് കാർഷിക കൂട്ടായ്മയുടെ ഭാഗമായി സംസ്ഥാന സർക്കാരിന്റെ പദ്ധതി വിഹിതത്തിൽ പറക്കോട്, ഇലന്തൂർ ബ്ലോക്കുകളിലെ നൂറ്റി അറുപത് കർഷകരുടെ സഹകരണത്തിൽ കർഷകർക്ക് മികച്ച ആധായം ലഭിക്കുന്നതിന് മൂല്യവർദ്ധിത ഉൽപ്പന്നങ്ങൾ ലക്ഷ്യം വെച്ച് രൂപീകൃതമായ കാർഷിക വ്യവസായ സംരംഭമാണ് പറക്കോട് എഫ് പി ഓ – ഫാം പ്ലാനിങ് ഓർഗാനൈസേഷൻ. എഫ് പി ഓ പ്രസിഡന്റ് ശിവശങ്കര പിള്ള അധ്യക്ഷം വഹിച്ച യോഗത്തിൽ സെക്രട്ടറി മനോജ് എസ് സ്വാഗതവും ബഹു. ഡെപ്യൂട്ടി സ്പീക്കർ അടൂർ എം എൽ എ ചിറ്റയം ഗോപകുമാർ ഔദ്യോഗിക ഉദ്ഘാടനവും ഓഫീസ് ഉദ്ഘാടനവും നിർവ്വഹിച്ചു.
ആനുകാലിക സാഹചര്യത്തിൽ യുവജനങ്ങളെ ഉൾപ്പടെ കാർഷീക മേഖലയിൽ എത്തിക്കാൻ മികച്ച കാർഷിക ഉൽപ്പന്ന വരുമാനം ലക്ഷ്യം വെച്ചാണ് എഫ് പി ഓ കൾ പ്രവർത്തിക്കേണ്ടുന്നതെന്ന് എം എൽ എ അഭിപ്രായപ്പെട്ടു. ചടങ്ങിൽ പറക്കോട് ബ്ലോക്ക് പഞ്ചായത്ത് പ്രസിഡന്റ് ആർ തുളസീധരൻ മുഖ്യ പ്രഭാഷണവും ഇലന്തൂർ ബ്ലോക്ക് പഞ്ചായത്ത് പ്രസിഡന്റ് ജെ ഇന്ദിരാ ദേവി ലോഗോ പ്രകാശനവും ഡി ഡി എ റോഷൻ ജോർജ് പദ്ധതി വിശദീകരണവും ഡി പി ഡി സുസ്മിത എൽ കർഷകർക്കുള്ള വിശദമായ പ്രൊജക്റ്റ് റിപ്പോർട്ട് എന്നിവയും അവതരിപ്പിച്ചു. പറക്കോട് എഫ് പി ഓ പ്രവർത്തന ക്ഷമമാകുന്നതിനനുസരിച്ചു കർഷകരുടെ സൗകര്യം കണക്കിലെടുത്ത് ഇലന്തൂരിലും ഒരു ശാഖ തുറന്ന് പ്രവർത്തിക്കുമെന്നും ജെ ഇന്ദിരാ ദേവി അഭിപ്രായപ്പെടുക ഉണ്ടായി. ചടങ്ങിൽ പറക്കോട് ബ്ലോക്ക് പഞ്ചായത്ത് അംഗം കുഞ്ഞന്നാമ്മ കുഞ്ഞ്, ഇലന്തൂർ ബ്ലോക്ക് ഡി ഡി എ സുനിൽ കുമാർ, എഫ് പി ഓ ട്രഷറർ രെഞ്ചു എന്നിവർ ആശംസാ പ്രസംഗം നടത്തി. ചടങ്ങിൽ കൃഷി ഉദ്യോഗസ്ഥർ, കർഷക സംഘടന ഭാരവാഹികൾ, കർഷകർ എന്നിവർ പങ്കെടുത്തു.
