തൊടുപുഴ : കൊവിഡ് രോഗികളുടെ എണ്ണത്തില് ഉണ്ടാകുന്ന ക്രമാതീതമായ വര്ദ്ധനവിന്റെ പശ്ചാത്തലത്തില് റേഷന് കടകള് വഴിയുള്ള സൗജന്യ ഭക്ഷ്യ ധാന്യ കിറ്റ് വിതരണം പുനരാരംഭിക്കണമെന്ന് കേരളാ കോണ്ഗ്രസ് ജേക്കബ്ബ് ജില്ലാ കമ്മിറ്റി ആവശ്യപ്പെട്ടു. ഒരു കുടുംബത്തിലെ ഒരാള്ക്ക് കോവിഡ് ബാധിച്ചാല് കുടുംബത്തിലെ എല്ലാവരും രോഗബാധിതരാകുന്ന സാഹചര്യമാണുള്ളത്. വരുമാനമാര്ഗം ഇല്ലാതാകുന്നതിനാല് പല കുടുംബങ്ങളും പട്ടിണിയിലാണ്. മുന്വര്ഷങ്ങളില് ഇതേ സാഹചര്യമുണ്ടായപ്പോള് എ.പി.എല് ബി.പി.എല് വ്യത്യാസമില്ലാതെ റേഷന് കടകള് വഴിയുള്ള സൗജന്യ ഭക്ഷ്യ ധാന്യ കിറ്റിനെയാണ് ആശ്രയിച്ചിരുന്നത്.
യോഗത്തില് ജില്ലാ പ്രസിഡന്റ് മാര്ട്ടിന് മാണി അദ്ധ്യക്ഷത വഹിച്ചു. സംസ്ഥാന സെക്രട്ടി രാജു പാണാലിക്കല്, ജില്ലാ ഭാരവാഹികളായ ഷാജി അമ്പാട്ട്, ഷാഹുല് പള്ളത്ത്പറമ്പില്, ടോമി മൂഴിക്കുഴിയില്, സാബു മുതിരക്കാലാ, അനില് പയ്യാനിക്കല്, സാം ജോര്ജ്, സിബിച്ചന് മനക്കല്, ജോസ് ചിറ്റടിയില്, ജോണ്സണ് അലക്സാണ്ടര്, ജോസ് പുന്നോലിക്കുന്നേല്, ജിന്സ് ജോര്ജ്, ബാബു വര്ഗീസ് എന്നിവര് സംസാരിച്ചു.
