എല്ലാവർക്കും സൗജന്യ റേഷൻ – ബിപിഎൽ കുടുംബങ്ങൾക്ക് ഭക്ഷ്യകിറ്റ് ; സർക്കാരിന്റെ അതിജീവന പാക്കേജ്

തിരുവനന്തപുരം : കോവിഡ്- 19 പ്രതിരോധം ശക്തമാക്കുന്നതിന്റെ ഭാഗമായി സംസ്ഥാനത്തെ എല്ലാ കുടുംബങ്ങൾക്കും ഒരുമാസത്തെ സൗജന്യ റേഷൻ നൽകാൻ മന്ത്രിസഭാ യോ​ഗത്തിൽ തീരുമാനം. ബിപിഎൽ പട്ടികയിൽ ഉള്ളവർക്ക് 15 കിലോഗ്രാം അവശ്യസാധന കിറ്റുകൾ വീടുകളിൽ എത്തിക്കാനാണ് തീരുമാനം. ബിപിഎൽ കുടുംബങ്ങൾ 35 കിലോ സൗജന്യ അരി നൽകുന്നത് തുടരും. നീല, വെള്ള കാർഡുകൾക്ക് 15 കിലോ അരി പുതുതായി നൽകും. പലവ്യഞ്ജന സാധനങ്ങൾ നൽകുന്നതും പരിഗണനയിലാണ്. നിരീക്ഷണത്തിലുള്ളവർക്കും കിറ്റ് വീട്ടിൽ എത്തിക്കും.