ബെർലിൻ: ജർമ്മനിയുടെ പുതിയ ചാൻസലറായി ഫ്രെഡ്‌റിക് മെർസിനെ (69) തിരഞ്ഞെടുത്ത് പാർലമെന്റ്. ഇന്നലെ പാർലമെന്റിൽ നടന്ന ആദ്യ റൗണ്ട് വോട്ടിൽ ഭൂരിപക്ഷമായ 316 വോട്ട് മെർസ് നേടിയിരുന്നില്ല. യുദ്ധാനന്തര ജർമ്മനിയിൽ ആദ്യമായാണ് പാർലമെന്ററി പിന്തുണ നേടാനുള്ള ചാൻസലർ സ്ഥാനാർത്ഥിയുടെ ആദ്യ ശ്രമം പരാജയപ്പെട്ടത്. പിന്നാലെ നടന്ന രണ്ടാം റൗണ്ടിലാണ് മെർസ് തിരഞ്ഞെടുക്കപ്പെട്ടത്. തുടർന്ന് ചാൻസലറായി അദ്ദേഹം സത്യപ്രതിജ്ഞ ചെയ്തു. ആദ്യ റൗണ്ടിൽ 310ഉം രണ്ടാം റൗണ്ടിൽ 325ഉം വോട്ടാണ് മെർസ് നേടിയത്. ഫെബ്രുവരിയിൽ നടന്ന പാർലമെന്റ് തിരഞ്ഞെടുപ്പിൽ മെർസ് ഉൾപ്പെട്ട കൺസർവേറ്റീവ് സഖ്യമായ സി.ഡി.യു/സി.എസ്.യു പാർലമെന്റിലെ 630ൽ 208 സീറ്റ് നേടി ഏറ്റവും വലിയ ഒറ്റകക്ഷിയായിരുന്നു. തുടർന്ന് സി.ഡി.യു നേതാവായ മെർസ് ചാൻസലറാകുമെന്ന് പ്രഖ്യാപിക്കപ്പെട്ടു. സർക്കാർ രൂപീകരണത്തിന് പാർലമെന്റിൽ 316 സീറ്റ് വേണമെന്നതിനാൽ സ്ഥാനമൊഴിഞ്ഞ ചാൻസലർ ഒലാഫ് ഷോൾസിന്റെ സോഷ്യൽ ഡെമോക്രാറ്റിക് പാർട്ടിയുമായി (120 സീറ്റ് ) മെർസ് സഖ്യമുണ്ടാക്കുകയായിരുന്നു. ഇന്നലെ പാർലമെന്റിലെ ഒന്നാം റൗണ്ട് വോട്ടിൽ മെർസിനെ പിന്തുണയ്ക്കാതെയിരുന്ന എം.പിമാർ ആരാണെന്ന് വ്യക്തമല്ല.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
