കൊച്ചി : ജനങ്ങള്‍ കൊവിഡിലും ലോക്ഡൗണിലും നട്ടംതിരിയുമ്പോള്‍ കേന്ദ്ര സര്‍ക്കാരിന്റെ മൌനാനുവാദത്തോടെ പെട്രോളിയം കമ്പിനികള്‍ ഇന്ധനവില അടിക്കടി വര്‍ധിപ്പിച്ച് കൊള്ള തുടരുകയാണ്. പെട്രോളിനു 25 പൈസയും ഡീസലിനു 37 പൈസയുമാണ് ഇന്ന് വര്‍ധിപ്പിച്ചത്. 95.66 രൂപയാണ് കൊച്ചിയിലെ ഇന്നത്തെ പെട്രോള്‍ വില, ഡീസലിന് 91.13 രൂപയുമാണ്.
തിരുവനന്തപുരത്ത് പെട്രോളിന് 97.54 രൂപയും ഡീസലിന് 92.90 രൂപയുമാണ്. 37 ദിവസത്തിനിടെ 22 തവണയാണ് ഇന്ധനവില വര്‍ധിപ്പിച്ചിരിക്കുന്നത്. രാജ്യത്തിന്റെ പലഭാഗങ്ങളിലും ഇന്ധനവില നൂറ് കവിഞ്ഞു. പ്രീമിയം പെട്രോളിന് കേരളത്തില്‍ മിക്കയിടത്തും നൂറിന് മുകളിലാണ് വില.
