കോന്നി : കോന്നി, തണ്ണിത്തോട് മേഖലയിൽ ഇന്ധന ക്ഷാമം മൂലം വാഹന യാത്രക്കാർ വലഞ്ഞു. തുടച്ചയായ അവധിയിൽ ബന്ധു വീടുകളിലേക്കും വിനോദ സഞ്ചാര കേന്ദ്രങ്ങളിലേക്കും പോയവരാണ് പെട്രോളും ഡീസലും ലഭിക്കാതെ വലഞ്ഞത്. കോന്നിയിൽ നാല് പെട്രോൾ പമ്പുകൾ ആണ് ഉള്ളത്. എന്നാൽ ഇവിടെ ഒരിടത്തും പെട്രോളും ഡീസലും സ്റ്റോക്കില്ലനായിരുന്നു പമ്പ് ജീവനക്കാരുടെ മറുപടി. തണ്ണിത്തോട് അടവിയിൽ എത്തിയവർ അടക്കം പെട്രോൾ ലഭിക്കാത്തത് മൂലം ചിറ്റാറിൽ പോയാണ് വാഹനങ്ങളിൽ ഇന്ധനം നിറക്കേണ്ടി വന്നത്. ഇന്ധനം ഇല്ലാത്തത് മൂലം പല വാഹനങ്ങളും വഴിയിൽ അകപ്പെടേണ്ടി വന്ന സംഭവങ്ങളും ഉണ്ടായി.
