മയ്യഴി : മാഹി മുണ്ടോക്കിലെ യുവതിയെ ബന്ധുവായ യുവാവ് മർദിച്ചതായ പരാതിയിൽ മുണ്ടോക്കിൽ ഭാരതിയാർ റോഡിലെ ഗുരുകൃപയിൽ മെൽവിൻ വില്യംസിനെ (29) മാഹി പോലീസ് അറസ്റ്റ് ചെയ്തു. മർദനത്തിൽ സാരമായി പരിക്കേറ്റ പെൺകുട്ടിയെ ആസ്പത്രിയിൽ പ്രവേശിപ്പിച്ചു.
ചൊവ്വാഴ്ച ഉച്ചയോടെ പെൺകുട്ടിയുടെ വീട്ടിൽ അതിക്രമിച്ച് കടന്നാണ് യുവാവ് മർദിച്ചതെന്നാണ് പരാതി. മാഹി എസ്.ഐ. പുനിത രാജാണ് യുവാവിനെ അറസ്റ്റ് ചെയ്തത്. കോടതിയിൽ ഹാജരാക്കിയ യുവാവിന് കോടതി ജാമ്യം അനുവദിച്ചു. പരിക്കേറ്റ പെൺകുട്ടിയെ മാഹി ഗവ. ആസ്പത്രിയിലും തുടർന്ന് തലശ്ശേരി ഇന്ദിരാഗാന്ധി ആസ്പത്രിയിലും പ്രവേശിപ്പിച്ചു.
