കൊച്ചി : കൊച്ചിയില്‍ നാവികസേനയുടെ ഗ്ലൈഡര്‍ അപകടത്തില്‍ ഗുരുതരമായി പരിക്കേറ്റ രണ്ടു നാവികരും മരിച്ചു. ഉദ്യോഗസ്ഥരായ രാജീവ് ത്സാ, സുനില്‍ കുമാര്‍ എന്നിവരാണ് മരിച്ചത്. രാവിലെ 7 മണിയോടെ ബിഒടി പാലത്തിന് സമീപത്താണ് അപകടം സംഭവിച്ചത്. ഗുരുതരമായി പരിക്കേറ്റ ഇരുവരേയും ഐ എന് എസ് സഞ്ജീവനിയിലേക്ക് മാറ്റിയെങ്കിലും ആശുപത്രിയിലേയ്ക്കു പോകും വഴിതന്നെ മരണം സംഭവിച്ചു. പരിശീലന പറക്കലിന് ഉപയോഗിക്കുന്ന ചെറുവിമാനമാണ് ഗ്ലൈഡര്‍. ഇതില് രണ്ട് പേര്‍ക്കാണ് സഞ്ചരിക്കാന്‍സാധിക്കുക. ഇന്ന് രാവിലെ നാവിക സേനയുടെ ക്വാര്‍ട്ടേഴ്സില്‍ നിന്ന് പരിശീലനത്തിനായി പോകുമ്പോഴാണ് അപകടം ഉണ്ടായത്.
