കൊച്ചി : സ്വര്‍ണ വില ഇന്നും കുറഞ്ഞു. പവന് 80 രൂപയാണ് കുറഞ്ഞത്. ഇതോടെ പവന് 37400 രൂപയായി. ഗ്രാമിന് 10 രൂപ കുറഞ്ഞ് 4675 രൂപയാണ് വില.ഈ മാസത്തെ ഏറ്റവും കുറഞ്ഞ വിലയാണിത്.ഇന്നലെ പവന് ഒറ്റയടിക്ക് 640 രൂപ കുറഞ്ഞ് 37480 രൂപയായിരുന്നു. ഒരു ഗ്രാമിന് 80 രൂപയാണ് കുറഞ്ഞത്.
തിങ്കളാഴ്ച ഗ്രാമിന് 4765 ഉം പവന് 38120ഉം ആയിരുന്നു. 11ാം തീയ്യതി മുതല്‍ 13 വരെയായിരുന്നു ഈ മാസം സ്വര്‍ണത്തിന് ഏറ്റവും ഉയര്‍ന്ന വില. അന്ന് 38,680 രൂപയായിരുന്നു പവന്. ജൂണ്‍ ഒന്നിന് 38000 രൂപയാണ് ഒരുപവന്‍ സ്വര്‍ണത്തിന് ഉണ്ടായിരുന്നത്. പവന് 40,560 രൂപ ഉണ്ടായിരുന്ന മാര്‍ച്ച്‌ ഒമ്ബതിനാണ് ഈ വര്‍ഷത്തെ ഏറ്റവും ഉയര്‍ന്ന വില. ജനുവരി 10ന് 35,600 രൂപയായതാണ് താഴ്ന്നവില.2020 ആഗസ്റ്റ് ഏഴിനാണ് എക്കാലത്തെയും റെക്കോഡ് വില രേഖപ്പെടുത്തിയത്. അന്ന് പവന് 42000 രൂപയും ഗ്രാമിന് 5250 രൂപയുമായിരുന്നു.
