ആലപ്പുഴ: സംസ്ഥാനത്തെ സ്വര്ണ വ്യാപാരവുമായി ബന്ധപ്പെട്ട കടകള് തുറന്നു പ്രവര്ത്തിക്കാന് അനുവദിക്കണമെന്ന് ആവശ്യപ്പെട്ടുകൊണ്ട് ഓള് കേരള ഗോള്ഡ് ആന്റ് സില്വര് മര്ച്ചന്റ്സ് അസോസിയേഷന് (എകെജിഎസ്എംഎ) സര്ക്കാരിന് കത്തു നല്കി. ചീഫ് സെക്രട്ടറിക്ക് ആണ് അസോസിയേഷന് കത്ത് നല്കിയിരിക്കുന്നത്. പല വിഭാഗത്തിലുള്ള വ്യാപാര സ്ഥാപനങ്ങളും തുറക്കാന് അനുമതി നല്കിയിട്ടും സ്വര്ണാഭരണശാലകള്ക്ക് അനുമതി ലഭിച്ചില്ല. കേരളത്തിലെ സ്വര്ണാഭരണശാലകളില് 90 ശതമാനവും ചെറിയ വ്യാപാരശാലകളാണ്. ഇതില് തന്നെ 70 ശതമാനവും സ്വയം തൊഴില് എന്ന നിലയില് പ്രവര്ത്തിക്കുന്നവയാണ്.
കഴിഞ്ഞ 35 ദിവസത്തിലധികമായി അടഞ്ഞുകിടക്കുന്ന ചെറുകിട സ്വര്ണാഭരണശാല ഉടമസ്ഥര് കടക്കെണിയിലേക്കും അവരെ ആശ്രയിച്ചു കഴിയുന്ന ജീവനക്കാരുടെ കുടുംബങ്ങള് പട്ടിണിയിലേക്കും നീങ്ങുകയാണെന്നും അസോസിയേഷന് സംസ്ഥാന ട്രഷറര് അഡ്വ.എസ്.അബ്ദുല് നാസര് പറഞ്ഞു. സര്ക്കാര് നിര്ദ്ദേശിക്കുന്ന എല്ലാ മാനദണ്ഡങ്ങളും പാലിക്കാന് സ്വര്ണ വ്യാപാരികള് തയ്യാറാണ്. സര്ക്കാരിന്റെ ഭാഗത്ത് നിന്ന് അനുകൂല തീരുമാനം ഉണ്ടാകുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
The post സംസ്ഥാനത്തെ സ്വര്ണ്ണക്കടകള് തുറന്നു പ്രവര്ത്തിക്കാന് അനുവദിക്കണം : എകെജിഎസ്എംഎ appeared first on Pathanamthitta Media.
