കൊച്ചി : യുഎഇ കോൺസുലേറ്റിലേക്കുള്ള നയതന്ത്ര ബാഗേജിൽ സ്വർണം കടത്തിയത്‌ അറ്റാഷെയുടെ അറിവോടെയാണെന്ന്‌ പ്രതി സ്വപ്‌ന സുരേഷ്‌ കസ്‌റ്റംസിന്‌ മൊഴി നൽകി. കോൺസുലേറ്റിലെ ഉദ്യോഗസ്‌ഥർക്കും സ്വർണക്കടത്തിൽ ബന്ധമുണ്ട്‌. സ്വർണം പിടികൂടിയപ്പോൾ ബാഗ്‌ മടക്കി അയക്കാനും അറ്റാഷെ നിർദ്ദേശിച്ചു. സ്വർണക്കടത്തിൽ ഇടനിലക്കാരിയായി പ്രവർത്തിച്ചുവെന്നും സ്വപ്‌ന മൊഴി നൽകി.
2019 ജൂലൈ മുതൽ ജൂൺ 30 വരെ 18 തവണ സ്വർണം കടത്തി. ഓരോ തവണ സ്വർണം കടത്തുമ്പോഴും അറ്റാഷെക്ക്‌ 1000 ഡോളർ കമ്മീഷൻ നൽകിയിരുന്നു. സന്ദീപും റമീസുമാണ്‌ സ്വർണക്കടത്തിന്റെ ആസൂത്രകർ. ഇരുവരേയും പരിചയപ്പെട്ടത്‌ ദുബായിയിൽ വെച്ചാണ്‌. നയതന്ത്ര ബാഗേജിൽ സ്വർണം കടത്താമെന്ന്‌ നിർദ്ദേശിച്ചത്‌ റമീസാണ്‌.
മുൻ ഐടി സെക്രട്ടറി ശിവശങ്കറുമായി സൗഹൃദം മാത്രമാണുള്ളതെന്നും സ്വപ്‌ന നൽകിയ മൊഴിയിലുണ്ട്‌.
