ദില്ലി: തിരുവനന്തപുരം അന്താരാഷ്ട്ര വിമാനത്താവളം വഴി സ്വര്ണം കടത്താന് ശ്രമിച്ച കേസിലെ മുഖ്യസൂത്രധാരന് കെ ടി റമീസ് റിമാന്റില്. സ്വര്ണകള്ളക്കടത്ത് കേസില് ഇഡി അന്വേഷണം സജീവമാക്കി. ചോദ്യംചെയ്യലിന് വിളിച്ചുവരുത്തിയ ശേഷം റമീസിനെ ബുധനാഴ്ചയാണ് അറസ്റ്റ് ചെയ്തത്. കോടതിയില് ഹാജരാക്കിയ റമീസിനെ റിമാന്ഡ് ചെയ്യുകയായിരുന്നു. വിദേശത്ത് നിന്ന് സ്വര്ണക്കടത്ത് സംഘത്തെ നിയന്ത്രിച്ചിരുന്നത് കെ ടി റമീസ് ആണെന്നാണ് കണ്ടെത്തല്. റമീസിനെ ഇഡി കസ്റ്റഡിയില് വാങ്ങും.
പെരിന്തല്മണ്ണ വെട്ടത്തൂര് സ്വദേശി കെ ടി റമീസ് രാജ്യാന്തര സ്വര്ണക്കടത്ത് സംഘങ്ങളിലെ മുഖ്യകണ്ണിയാണ്. ഇതിന് മുമ്പും പല കേസുകളിലും ഇയാള് പ്രതിയാണ്. 2015 മാര്ച്ചില് കരിപ്പൂര് വിമാനത്താവളത്തില് നിന്നും സ്വര്ണവുമായി ഇയാളെ പിടികൂടിയിരുന്നു. മാന്വേട്ടയുമായി ബന്ധപ്പെട്ട രണ്ട് കേസുകളും റമീസിന്റെ പേരിലുണ്ട്.
