പാലക്കാട്: പാലക്കാട് വന്‍ സ്വര്‍ണവേട്ട. ട്രെയിനില്‍ കടത്താന്‍ ശ്രമിച്ച 16 കിലോ സ്വര്‍ണമാണ് പിടികൂടിയത്. പാലക്കാട്ടുനിന്ന് ആര്‍ പി എഫാണ് സ്വര്‍ണം പിടിച്ചെടുത്തത്. ഇതുമായി ബന്ധപ്പെട്ട് മൂന്ന് തൃശൂര്‍ സ്വദേശികളെ അറസ്റ്റുചെയ്തിട്ടുണ്ട്. ഇവരെ വിശദമായി ചോദ്യം ചെയ്തു വരികയാണ്.
പരിശോധനയില്‍ സ്വര്‍ണം കണ്ടെത്തിയതോടെ ഇവരോട് രേഖകള്‍ ആവശ്യപ്പെട്ടെങ്കിലും മതിയായ രേഖകള്‍ ഹാജരാക്കാന്‍ ഇവര്‍ക്ക് കഴിഞ്ഞില്ല. തുടര്‍ന്നാണ് സ്വര്‍ണം പിടിച്ചെടുത്തത്. സംഭവത്തെക്കുറിച്ച്‌ അധികൃതര്‍ അന്വേഷണമാരംഭിച്ചു.
