തിരുവനന്തപുരം : ഒരിടവേളയ്ക്ക് ശേഷം തലസ്ഥാനത്ത് വീണ്ടും ഗുണ്ടാ ആക്രമണം പെരുകുന്നു. ഇന്നലെയും ഇന്നുമായി തിരുവനന്തപുരത്തിന്റെ വിവിധ ഭാഗങ്ങളിൽ ആറോളം ആക്രമണങ്ങളാണ് റിപ്പോർട്ട് ചെയ്തത്. പോലീസിന്റെ അലംഭാവമാണ് അക്രമം വർധിക്കാൻ കാരണമെന്നാണ് പരക്കെ ഉയരുന്ന ആക്ഷേപം. വെങ്ങാനൂർ നെല്ലുവിളയിൽ നാലംഗസംഘം വീട് കയറി ആക്രമണം നടത്തി. സ്ത്രീകൾ ഉൾപ്പടെയുള്ളവർക്ക് മർദ്ദനമേറ്റു. ചെരിവിള സ്വദേശി ഷിജിന്റെ വീട്ടിലാണ് ഇന്നലെ അർദ്ധരാത്രി ആക്രമണം ഉണ്ടായത്. ഷിജിൻ, അനുജൻ വിജിൻ, ഷിജിന്റെ ഭാര്യ നിജ എന്നിവരെയാണ് ഗുണ്ടാ സംഘം ആക്രമിച്ചത്. കാലിലും ശരീരത്തിലാകെയും കമ്പി കൊണ്ടടിച്ചു. വീട്ടുപകരണങ്ങളടക്കം നശിപ്പിച്ചു. കരിമണലിൽ യുവാവിന് നേരെ പത്തംഗ സംഘത്തിന്റെ ആക്രമണമുണ്ടായി. യുവാവിൽ നിന്ന് നേരെത്തെ ഫോൺ പിടിച്ചു വാങ്ങിയ സംഘം, തിരികെ കിട്ടണമെങ്കിൽ ഷൂവിൽ ഉമ്മ വെയ്ക്കണമെന്ന് ഭീഷണിപ്പെടുത്തി. ദൃശ്യങ്ങൾ സമൂഹമാധ്യമങ്ങൾ വഴി പ്രചരിച്ചിട്ടും കേസെടുക്കാനോ അന്വേഷണം നടത്താനോ പോലീസ് ഇതുവരെ തയ്യാറായിട്ടില്ല. കാട്ടാക്കട സ്വദേശി കിരണിൻ്റെ വീട്ടിൽ നിർത്തിയിട്ട കാർ സാമൂഹ്യ വിരുദ്ധർ തകർത്തു. തലസ്ഥാന നഗരത്തെ ഗുണ്ടാ മാഫിയ സംഘങ്ങൾ പിടിമുറുക്കുന്നതിന്റെ ഉദാഹരണമായി മാറുകയാണ് ഈ ആക്രമണങ്ങൾ.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
