ക്ലാര്ക്ക് ടൈപ്പിസ്റ്റ് നിയമനം
ജില്ലയിലെ ഒരു സര്ക്കാര് സ്ഥാപനത്തില് (വിമുക്ത ഭടന്മാര് മാത്രം) തസ്തികയില് ഡിഎ- ലോ വിഷന് വിഭാഗത്തിന് സംവരണം ചെയ്ത ക്ലാര്ക്ക് ടൈപ്പിസ്റ്റ് താല്കാലിക ഒഴിവുണ്ട്. എസ്.എസ്.എല്.സി, ടൈപ്പ് റൈറ്റിംഗ് ഇംഗ്ലീഷ് ആന്റ് മലയാളം ലോവറും കമ്പ്യൂട്ടര് വേഡ് പ്രോസസിംഗുമാണ് യോഗ്യത. അടിസ്ഥാന ശമ്പളം 26500 – 60700. അസല് സര്ട്ടിഫിക്കറ്റുമായി അതാത് എംപ്ലോയ്മെന്റ് എക്സ്ചേഞ്ചുകളില് മെയ് 13 -നകം പേര് രജിസ്റ്റര് ചെയ്യണം. ലോ വിഷന് വിഭാഗത്തിലുള്ള ഉദ്യോഗാര്ഥികളുടെ അഭാവത്തില് ഡി.എ- എച്ച്.ഐ/ഡി.എ ഒ.എച്ച്/ഡി.എ മള്ട്ടിപ്പിള് ഡിസബിലിറ്റി വിഭാഗത്തിലുള്ള എക്സ് സര്വീസ്മാന്മാരെയും ഭിന്നശേഷി വിഭാഗത്തിലുള്ള ഉദ്യോഗാര്ഥികളുടെ അഭാവത്തില് നിശ്ചിത യോഗ്യതയുള്ള ഭിന്നശേഷിയല്ലാത്ത എക്സ് സര്വീസ്മാന്മാരെയും പരിഗണിക്കും. ഫോണ് – 04682222745
വൃക്ഷങ്ങളും ശിഖരങ്ങളും വെട്ടിമാറ്റണം
വടശ്ശേരിക്കര ഗ്രാമപഞ്ചായത്തിന്റെ അധികാര പരിധിക്കുള്ളില് സ്വകാര്യ വ്യക്തികളുടെ പുരയിടങ്ങളില് പൊതുജനങ്ങളുടെ ജീവനും സ്വത്തിനും ഭീഷണിയായി നില്ക്കുന്ന വൃക്ഷങ്ങള്/വൃക്ഷങ്ങളുടെ ശിഖരങ്ങള് എന്നിവ സ്ഥലം ഉടമകള്/കൈവശക്കാര് അടിയന്തിരമായി മുറിച്ചുമാറ്റി അപകടം ഒഴിവാക്കണമെന്ന് സെക്രട്ടറി അറിയിച്ചു. സ്വകാര്യ വ്യക്തികളുടെ കൈവശത്തിലുള്ള വസ്തുവിലെ കാടുകള് അടിയന്തിരമായി വൃത്തിയാക്കി/വെട്ടിത്തെളിച്ച് പാമ്പുകള് മറ്റ് വന്യമൃഗങ്ങള് എന്നിവയുടെ ശല്യം ഒഴിവാക്കണം. അല്ലെങ്കില് തുടര്ന്നുണ്ടാകുന്ന നഷ്ടങ്ങള്ക്ക് ഭൂവുടമകള്/ കൈവശക്കാര് ഉത്തരവാദിയായിരിക്കും. ദേശീയ ദുരന്തനിവാരണ നിയമം, കേരള പഞ്ചായത്ത് രാജ് നിയമങ്ങള് പ്രകാരമുള്ള ശിക്ഷ നടപടി സ്വീകരിക്കുമെന്നും അദ്ദേഹം അറിയിച്ചു.
—
മോണ്ടിസോറി, പ്രീ – പ്രൈമറി ടീച്ചര് പരിശീലനം
കേന്ദ്ര സര്ക്കാര് സംരംഭമായ ബിസില് ട്രെയിനിംഗ് ഡിവിഷന് മെയ് മാസം ആരംഭിക്കുന്ന രണ്ടു വര്ഷം, ഒരു വര്ഷം, ആറു മാസം ദൈര്ഘ്യമുള്ള മോണ്ടിസോറി, പ്രീ – പ്രൈമറി, നഴ്സറി ടീച്ചര് ട്രെയിനിംഗ് കോഴ്സുകള്ക്ക് ബിരുദം, പ്ലസ് ടു, എസ് എസ് എല് സി യോഗ്യതയുള്ള വനിതകളില് നിന്ന് അപേക്ഷ ക്ഷണിച്ചു. ഫോണ് – 7994449314.
ലേലം
അടൂര് താലൂക്കില് കൊടുമണ് വില്ലേജില് ബ്ലോക്ക് നമ്പര് 22 ല് 11777 നമ്പര് തണ്ടപ്പേരില് റീസര്വേ നമ്പര് 216/51 (പാര്ട്ട്)ല്പെട്ട 01.62 ആര് സ്ഥലം കോടതി പിഴ ഇനത്തിലുളള തുക ഈടാക്കുന്നതിന് മെയ് 26 രാവിലെ 11.30ന് കൊടുമണ് വില്ലേജ് ഓഫീസില് ലേലം ചെയ്യും. ഫോണ് – 04734 224826.
—
കമ്പ്യൂട്ടര് കോഴ്സ് പ്രവേശനം
കോന്നി ജില്ല നൈപുണ്യ വികസന കേന്ദ്രത്തില് ആരംഭിക്കുന്ന കമ്പ്യൂട്ടര് കോഴ്സിലേക്ക് പ്രവേശനം ആരംഭിച്ചു. യോഗ്യത 10/പ്ലസ് ടു. കോഴ്സ് കാലാവധി ഒരു മാസം. ഫോണ് – 9188910571.
—
അഭിമുഖം
വടശ്ശേരിക്കര ഗ്രാമപഞ്ചായത്ത് കുടുംബാരോഗ്യ കേന്ദ്രത്തിലേക്ക് ആംബുലന്സ് ഡ്രൈവറെ നിയമിക്കുന്നു. അഭിമുഖം മെയ് 14 രാവിലെ 11. പ്രായം – 30 നും 50 നും ഇടയില്. യോഗ്യത – എസ്.എസ്.എല്.സി. പ്രവൃത്തി പരിചയം – കുറഞ്ഞത് മൂന്ന് വര്ഷം. ഹെവി ലൈസന്സ്, ബാഡ്ജ്, പോലീസ് ക്ലിയറന്സ് സര്ട്ടിഫിക്കറ്റ് എന്നിവ ഉണ്ടായിരിക്കണം. ഫോണ് – 04735 252029.
—
ക്വട്ടേഷന്
ജില്ല വ്യവസായ കേന്ദ്രത്തിന്റെ ഔദ്യോഗിക ആവശ്യത്തിന് ഇന്ധനം ഉള്പ്പടെ ഡ്രൈവര് ഇല്ലാതെ ടാക്സി വാഹനം ജൂണ് ഒന്നു മുതല് സെപ്റ്റംബര് 30 വരെ വാടകയ്ക്ക് നല്കുന്നതിന് ക്വട്ടേഷന് ക്ഷണിച്ചു. അവസാന തീയതി മെയ് 19 ഉച്ചയ്ക്ക് രണ്ടുവരെ. ഫോണ് – 0468 2214639.
അപേക്ഷ ക്ഷണിച്ചു
പത്തനംതിട്ട കല്ലറകടവില് പ്രവര്ത്തിക്കുന്ന ആണ്കുട്ടികളുടെ പ്രീമെട്രിക് ഹോസ്റ്റലിലേക്ക് 2026-27 അധ്യയന വര്ഷം യു.പി, ഹൈസ്ക്കൂള് വിദ്യാര്ത്ഥികള്ക്ക് ട്യൂഷന് എടുക്കുന്നതിന് താല്കാലിക വ്യവസ്ഥയില് പത്തനംതിട്ട നഗരസഭയില് താമസിക്കുന്ന പ്രവര്ത്തിപരിചയമുള്ള ട്യൂഷന് ടീച്ചര്മാരില് നിന്ന് അപേക്ഷ ക്ഷണിച്ചു. യു.പി വിദ്യാര്ഥികളെ എല്ലാ വിഷയവും പഠിപ്പിക്കുന്നതിന് പ്ലസ് ടു/പ്രീഡിഗ്രി, റ്റി.റ്റി.സി/ബിരുദം യോഗ്യതയുള്ളവര്ക്ക് അപേക്ഷിക്കാം. നാച്ചുറല് സയന്സ്(ബയോളജി), സോഷ്യല് സ്റ്റഡീസ്, ഫിസിക്കല് സയന്സ് (ഫിസിക്സ് ആന്ഡ് കെമിസ്ട്രി) ഇംഗ്ലീഷ്, കണക്ക്, ഹിന്ദി എന്നീ വിഷയങ്ങളില് ഹൈസ്ക്കൂള് വിദ്യാര്ഥികളെ പഠിപ്പിക്കുന്നതിന് ബി.എഡ് / പി.ജി യോഗ്യതയുള്ളവരില് നിന്ന് അപേക്ഷ ക്ഷണിച്ചു. ബയോഡേറ്റയും അപേക്ഷയും ഇലന്തൂര് ബ്ലോക്ക് പട്ടികജാതി വികസന ഓഫീസില് മെയ് 16 നുള്ളില് ഹാജരാക്കണം. ഫോണ്-9544788310,85476300
