പത്തനംതിട്ട : ബൈക്കിന് മുകളില്‍ മരം വീണ് മരണപ്പെട്ട മനു മോഹന്റെ കുടുംബത്തിന് സര്‍ക്കാര്‍ ധനസഹായം അനുവദിച്ചുള്ള ഉത്തരവ് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ കൈമാറി. മനുമോഹന്റെ ഭാര്യ പ്രിയങ്കാ മേരി ഉത്തരവ് ഏറ്റുവാങ്ങി. അടൂര്‍ താലൂക്കിലെ ഏറത്ത് വില്ലേജില്‍ 2023 ഏപ്രില്‍ മാസം നാലിന് ഉണ്ടായ ശക്തമായ കാറ്റില്‍ ചൂരക്കോട് കളത്തട്ട് ജംഗ്ഷനില്‍ വെച്ച് ബൈക്കിന് മുകളിലേക്ക് മരം വീണാണ് തുവയൂര്‍ വടക്ക് മുറിയില്‍ ആശാലയത്തില്‍ മനുമോഹന്‍ (34) മരണപ്പെട്ടത്.
കുടുംബത്തിന് സര്‍ക്കാരില്‍ നിന്നുള്ള ദുരിതാശ്വാസ ധനസഹായം 400000 രൂപ അനുവദിച്ചു കൊണ്ടുള്ള ഉത്തരവ് ആണ് ഡെപ്യൂട്ടി സ്പീക്കര്‍ മനുവിന്റെ ഭാര്യയ്ക്ക് കൈമാറിയത്. ഏറത്ത് ഗ്രാമപഞ്ചായത്ത് പ്രസിഡന്റ് സന്തോഷ് ചാത്തന്നൂപ്പുഴ, അടൂര്‍ തഹസില്‍ദാര്‍ ജോണ്‍ സാമുവല്‍, ഡെപ്യൂട്ടി തഹസില്‍ദാര്‍ സജീവ്, വില്ലേജ് ഓഫീസര്‍ വസന്തകുമാരി, വാര്‍ഡ് മെമ്പര്‍ ഉഷ ഉദയന്‍, ഗ്രാമ പഞ്ചായത്ത് മെമ്പര്‍ ശോഭന തുടങ്ങിയവരും ഡെപ്യൂട്ടി സ്പീക്കറിനൊപ്പം ഉണ്ടായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം.
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
