തിരുവനന്തപുരം : തിരുവനന്തപുരം നെയ്യാറ്റിന്കരയില് യുവാവ് ഹോംഗാര്ഡിന് നേരെ എയര്ഗണ് ചൂണ്ടി. വാഹനം കടത്തിവിടാത്തതില് പ്രകോപിതനായ യുവാവാണ് എയര്ഗണ്ണുമായി ഹോംഗാര്ഡിനെ ഭീഷണിപ്പെടുത്തിയത്. സംഭവവുമായി ബന്ധപ്പെട്ട് ബാലരാമപുരം സ്വദേശിയെ പോലീസ് കസ്റ്റഡിയിലെടുത്തു. യുവാവിന് മാനസിക പ്രശ്നങ്ങളുള്ളതായി ബന്ധുക്കള് പറയുന്നു.
എത് തരത്തിലുള്ള തോക്കാണ് ചൂണ്ടിയതെന്ന കാര്യത്തില് ആദ്യം ആശയക്കുഴപ്പമുണ്ടായിരുന്നെങ്കിലും ഇത് എയര് ഗണ്ണാണെന്ന് സ്ഥിരീകരിച്ചിട്ടുണ്ട്. നാട്ടുകാരും ഹോംഗാര്ഡും ചേര്ന്നാണ് നെയ്യാറ്റിന്കര പോലീസിനെ വിവരം അറിയിച്ചത്. പോലീസുകാരെത്തിയാണ് ഇയാളെ കീഴ്പ്പെടുത്തിയത്. യുവാവിന് മാനസിക പ്രശ്നമുണ്ടോ എന്ന കാര്യത്തില് അന്വേഷണം നടത്തിയ ശേഷമേ കേസെടുക്കണമോ വേണ്ടയോ എന്ന് തീരുമാനിക്കൂ.
