തിരുവല്ല : എസ്.എൻ.ഡി.പി.യോഗം തിരുവല്ല യൂണിയൻ യൂത്ത് മൂവ്മെന്റും സൈബർസേനയും സംയുക്തമായി സംഘടിപ്പിച്ച ഗുരുവിചാര ജ്ഞാനയജ്ഞത്തിന്റെ ഒൻപതാം വേദി നിരണം നോർത്ത് ശാഖയിൽ പ്രൗഡഗംഭീരമായി. തിരുവല്ല യൂണിയൻ അഡ്മിനിസ്ട്രേറ്റർ സന്തോഷ് ശാന്തി ഉദ്ഘാടനം ചെയ്തു. ശാഖ പ്രസിഡന്റ് ഗീതാ സുരേഷ് അദ്ധ്യക്ഷത വഹിച്ചു. യൂണിയൻ യൂത്ത്മൂവ്മെന്റ് കൺവീനർ അനീഷ് ആനന്ദ് ജ്ഞാനയജ്ഞ സന്ദേശവും സൈബർസേന കേന്ദ്രസമിതി ജോയിന്റ് കൺവീനർ ശരത് ശശി സംഘടന സന്ദേശവും നൽകി.
മേഖലാ ചെയർമാൻ ഷാജി കെ.കെ, മേഖലാ ജോ.കൺവീനർ ദിപിൻ ദിവാകരൻ, യൂണിയൻ പോഷകസംഘടന ഭാരവാഹികളായ മീനു രാജേഷ്, അഭിരാമി ബെനി, ഹരിലാല്‍ കാവിലേത്ത്, രാജേഷ് എ.ആർ, ശാഖ വനിതാസംഘം സെക്രട്ടറി അനിത വിനോദ് എന്നിവർ സംസാരിച്ചു. ശാഖാ സെക്രട്ടറി സുമ സുശീലൻ സ്വാഗതവും യൂണിയൻ സൈബർസേന കൺവീനർ ബിബിൻ ബിനു കൃതജ്ഞതയും പറഞ്ഞു. ദൈവദശകം ആലേഖനം ചെയ്ത ഫലകം ശാഖാ ഭാരവാഹികൾ ഏറ്റുവാങ്ങി.
