തൃശൂര്: കൊടുങ്ങല്ലൂര് ചളിങ്ങാട് ഹിദായത്തുല് ഇസ്ലാം ജുമാ മസ്ജിദിലെ നേർച്ചപ്പെട്ടി മോഷണകേസില് കുപ്രസിദ്ധ അന്തര്ജില്ലാ മോഷ്ടാവ് പിടിയില്. തൃശൂര് റൂറല് ജില്ലാ പോലീസ് മേധാവി ബി. കൃഷ്ണ കുമാറിന്റെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്. കോഴിക്കോട്, മലപ്പുറം, തൃശൂര് ജില്ലകളിലെ നിരവധി കേസുകളില് പ്രതിയായ കോഴിക്കോട് ബാലുശ്ശേരി സ്വദേശിയായ പൂനൂര് മുജീബ് എന്ന മുജീബ് ആണ് പിടിയിലായത്. സെപ്റ്റംബര് 24നും 30നും ഇടയില് ചളിങ്ങാട് ഹിദായത്തുല് ഇസ്ലാം ജുമാ മസ്ജിദിലെ അഞ്ച് നേര്ച്ചപ്പെട്ടികളില്നിന്ന് ഏകദേശം 50,000 രൂപയോളമാണ് മുജീബ് മോഷ്ടിച്ചത്.
