ഏവർക്കും ഹൃദയം നിറഞ്ഞ തിരുവോണാശംസകൾ
—
നാടും വീടും ഓണാഘോഷത്തിന്റെ സന്തോഷത്താൽ നിറയുന്ന ഈ തിരുവോണനാളിൽ, പത്തനംതിട്ട മീഡിയയും ഒരു ദിവസത്തെ വാർത്താ ഇടവേള എടുക്കുകയാണ്. തിരുവോണം പ്രമാണിച്ച് ഇന്ന് വാർത്താ അപ്ഡേറ്റുകളും പുതിയ പ്രസിദ്ധീകരണങ്ങളും ഉണ്ടായിരിക്കുന്നതല്ല.
വാർത്തകൾക്കൊപ്പം എന്നും ഞങ്ങളോടൊപ്പം നിന്ന പ്രിയ വായനക്കാർക്ക് നന്ദി പറഞ്ഞുകൊണ്ട്, ഈ ഓണക്കാലത്തിന്റെ സന്തോഷം നിങ്ങളോടൊപ്പം പങ്കിടുകയാണ്. ഓണം ഒരു വിശേഷ ദിവസത്തിന്റെ മാത്രം കഥയല്ല. ഒരു വര്ഷത്തെ കാത്തിരിപ്പിന്റേത് കൂടിയാണ്. ഇനി വരുന്ന വര്ഷത്തേക്കുള്ള ഓര്മകള് ചേര്ത്ത് വയ്ക്കാനുള്ള പ്രതീക്ഷയുടെ ദിനം കൂടിയാണ്. വീട്ടില് മാത്രമല്ല, നാട്ടിലും ജോലിസ്ഥലങ്ങളിലും നാട്ടിന്പുറത്തെ ക്ലബുകളിലും ഓണാഘോഷ പരിപാടികള് പൊടിപൊടിക്കും.
തിരുവോണത്തിനാണ് മഹാബലി തമ്പുരാന് പാതാളത്തില് നിന്നും കേരളത്തിലേക്ക് എത്തുന്നതെന്നാണ് ഐതിഹ്യം. ആഘോഷത്തിന്റെയും ആവേശത്തിന്റെയും ഈ ദിവസം വിളവെടുപ്പിന്റെ കൂടി ഉത്സവമാണ്. പഞ്ഞ മാസത്തിന്റെ വറുതിയില് നിന്ന് വിളവെടുപ്പിന്റെ സമൃദ്ധിയിലേക്കുള്ള ചുവടുവയ്പ്പാണിത്. പണ്ടുകാലത്ത് ഓണത്തിന് മുമ്പായി പാടത്ത് വിളഞ്ഞ് നില്ക്കുന്ന നെല്ല് കൊയ്തെടുക്കുമായിരുന്നു. ഇതെല്ലാം ഇന്ന് മലയാളിക്ക് ഗൃഹാതുരത്വം നല്കുന്ന ഓര്മകളാണ്. ഏവര്ക്കും പത്തനംതിട്ട മീഡിയയുടെ സ്നേഹം നിറഞ്ഞ ഓണാശംസകള്. തിരുവോണത്തിന്റെ സന്തോഷം പങ്കിട്ട്, പുതിയ വാർത്തകളും വിശേഷങ്ങളുമായി പത്തനംതിട്ട മീഡിയ വീണ്ടും നാളെ നിങ്ങളിലേക്ക് എത്തും.
