പുല്ലാട് : കോയിപ്രം പഞ്ചായത്തിലെ 17 വാർഡുകളിലും മികച്ച പ്രവർത്തനം കാഴ്ചവെച്ച് ഹരിത കര്‍മ്മ സേന. 2023-24 സാമ്പത്തിക വർഷം ഒടുവിൽ മാർച്ച് മാസത്തിൽ വരുമാനം മുൻപുള്ളതിനേക്കാൾ മൂന്നിരട്ടി വർധിച്ചു. കഴിഞ്ഞവർഷം സെപ്റ്റംബറിൽ വീടുകളിൽനിന്നുള്ള യൂസർ ഫീയിൽ 25 ശതമാനം മാത്രമേ സമാഹരിക്കാൻ കഴിഞ്ഞുള്ളൂവെങ്കിലും മാർച്ച് മാസം ആയപ്പോഴേക്കും ഇത് 75 ശതമാനം ആയി. മാർച്ചിൽ വീടുകളിൽനിന്ന് 2,71,350 രൂപയും വ്യാപാര സ്ഥാപനങ്ങളിൽനിന്ന് 53,800 രൂപയും സമാഹരിച്ചു. പഞ്ചായത്ത് സെക്രട്ടറി എം. റുബീന, നോഡൽ ഓഫീസർ രജനീ രവീന്ദ്രൻ, ഗ്രാമസേവിക ഗ്രേഡ് ഒന്ന് പി.ആർ. കീർത്തി, ലക്ഷ്മി കെ.പിള്ളയുടെയും ഭരണസമിതിയുടെയും കൂട്ടായ പരിശ്രമത്തിന്റെ ഫലമായിട്ടാണ് യൂസർ ഫീ ഇനത്തിൽ 75 ശതമാനം സമാഹരിക്കാനായത്. മാർച്ച് മാസത്തിൽ വ്യാപാരസ്ഥാപനങ്ങളിൽനിന്നുമാത്രം കുടിശ്ശികയായി 30,250 രൂപ പിരിച്ചെടുക്കാനായി. യൂസർ ഫീസായി വീടുകളിൽ നിന്ന് 50 രൂപയും വ്യാപാരസ്ഥാപനങ്ങളിൽനിന്ന് 100 രൂപയുമാണ് സമാഹരിക്കുന്നത്. യൂസർഫീ നൽകാൻ വിമുഖത കാണിക്കുന്നവരിൽനിന്ന് വസ്തുനികുതിപോലെ തുക ഈടാക്കാമെന്ന് കഴിഞ്ഞ മാർച്ചിൽ സർക്കാർ ഉത്തരവുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
