തിരുവനന്തപുരം : ആറ്റിങ്ങലില് വഴിയോരത്ത് മീന് വില്ക്കുകയായിരുന്ന അല്ഫോണ്സയെ കയ്യേറ്റം ചെയ്ത സംഭവവത്തില് മനുഷ്യാവകാശ കമ്മീഷന് കേസെടുത്തു. സെപ്റ്റംബര് 10 നകം ആറ്റിങ്ങല് നഗരസഭാ സെക്രട്ടറി അന്വേഷണം നടത്തി റിപ്പോര്ട്ട് ഫയല് ചെയ്യണമെന്ന് കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക് ഉത്തരവിട്ടു.
കുടുംബത്തിലെ ഏക വരുമാനക്കാരിയായ അല്ഫോണ്സയുടെ ശരീരത്തിന് പരിക്കേറ്റതായി മനസിലാക്കുന്നതായും കുടുംബം പുലര്ത്താന് മീന് വില്പ്പന നടത്തിയിരുന്ന സ്ത്രീയുടെ ജീവിത മാര്ഗ്ഗം നഗരസഭ ഉദ്യോഗസ്ഥര് തടസ്സപ്പെടുത്തിയതായും ഉത്തരവില് വ്യക്തമാക്കിട്ടുണ്ട്. അല്ഫോണ്സയ്ക്ക് വലിയ സാമ്പത്തിക നഷ്ട്ടം സംഭവിച്ചിട്ടുണ്ടെന്നും ഉത്തരവിൽ പറയുന്നുണ്ട്.