ഇടുക്കി : വീടിന് തീകൊളുത്തി മധ്യവയസ്കന് മരിച്ചു. മണക്കാട് സ്വദേശി കളപ്പുര കോളനിയില്‍ ജോസഫ്(55) ആണ് മരിച്ചത്. തൊടുപുഴ മണക്കാടാണ് സംഭവം. സഹോദരി നോക്കിനില്‍ക്കെയായിരുന്നു ജോസഫ് വീടിന് തീകൊളുത്തി ജീവനൊടുക്കിയത്. ഈ സമയത്ത് മദ്യലഹരിയിലായിരുന്നു ജോസഫ്. താന്‍ മരിക്കുകയാണ് എന്ന് പറഞ്ഞ ശേഷം ജോസഫ് താമസിക്കുന്ന ഷെഡിന് തീ കൊളുത്തുകയായിരുന്നു.
തുടര്‍ന്ന് തീ ശരീരത്തില്‍ പടര്‍ന്ന് സംഭവ സ്ഥലത്ത് വെച്ച്‌ തന്നെ ജോസഫ് മരിച്ചു. പിന്നീട് നാട്ടുകാരും അഗ്നിരക്ഷാ സേനാംഗങ്ങളും ചേര്‍ന്ന് തീയണച്ചു. മൃതദേഹം പോലീസ് നടപടികള്‍ക്ക് ശേഷം തൊടുപുഴയിലെ ഇടുക്കി ജില്ലാ ആശുപത്രിയിലേക്ക് മാറ്റി. സംഭവത്തില്‍ പോലീസ് കേസെടുത്തു.
