തിരുവനന്തപുരം : തക്കാളിക്കറിയില് നിന്ന് ചത്ത അട്ടയുടെ അവശിഷ്ടം കിട്ടിയെന്ന പരാതിയെ തുടര്ന്ന് പുലയനാര്കോട്ട ഇന്ത്യന് ഇന്സ്റ്റിറ്റ്യൂട്ട് ഒഫ് ഡയബറ്റീസിന്റെ ക്യാന്റിന് നഗരസഭ ആരോഗ്യവിഭാഗം അടച്ചുപൂട്ടി. ഭക്ഷ്യസുരക്ഷാ വിഭാഗത്തിന്റെ പരിശോധനയില് വീഴ്ചകള് ശ്രദ്ധയില്പ്പെട്ടതിനെ തുടര്ന്ന് ക്യാന്റിന് നോട്ടീസ് നല്കി പിഴയും ചുമത്തി. പള്ളിത്തുറ നെഹ്റു ജംഗ്ഷനില് മണക്കാട്ട് വിളാകത്തില് ഉദയകുമാറിന്റെ പരാതിയിലാണ് നടപടി. അജിയെന്നയാളാണ് ക്യാന്റിന് നടത്തിപ്പുകാരന്.
