കോന്നി : കോന്നി തണ്ണിത്തോട് റോഡ് കുറുകെ കടക്കുന്ന ആനക്കൂട്ടം സമൂഹ മാധ്യമങ്ങളിൽ ഏറെ വൈറൽ ആയിരിക്കുകയാണ്. കഴിഞ്ഞ ദിവസം പകല് സമയത്ത് തണ്ണിത്തോട് റോഡിൽ പേരുവാലിക്കും മുണ്ടോൻമൂഴിക്കും ഇടയിലാണ് ആനകുട്ടികൾ അടങ്ങുന്ന കാട്ടാനകളുടെ കൂട്ടത്തെ കണ്ടത്. കോന്നി തണ്ണിത്തോട് റോഡ് മുറിച്ച് കടക്കുന്ന ദൃശ്യങ്ങളാണ് വാട്സ് അപ്,ഫേസ് ബുക്ക് തുടങ്ങിയ സമൂഹ മാധ്യമങ്ങളിലൂടെ വൈറൽ ആയിരിക്കുന്നത്. നിരവധി ആളുകൾ ആണ് ഇത് ഷെയർ ചെയ്തിട്ടുണ്ട്. ആന കുട്ടികൾ അടക്കമുള്ള പത്തോളം ആനകൾ ആടങ്ങിയ കാട്ടാന കൂട്ടം ആണ് റോഡ് മുറിച്ച് കടക്കുന്നതാണ് ദൃശ്യത്തിലുള്ളത്.
തണ്ണിത്തോട് റോഡിൽ രാത്രി കാലങ്ങളിൽ കാട്ടാന കൂട്ടത്തിന്റെ സാന്നിധ്യം ഇപ്പോൾ പതിവാകുന്നുണ്ട്. കഴിഞ്ഞ ദിവസം രാത്രിയിലും ആനകൾ റോഡിൽ ഏറെ നേരം നിലയുറപ്പിച്ച ശേഷം ആണ് മടങ്ങിയത്. റോഡിന് സമീപത്തുകൂടി ഒഴുകയുന്ന കല്ലാറ്റിൽ വെള്ളംകുടിക്കാൻ എത്തുന്നതാണ് ആനകൾ. എലിമുള്ളുംപ്ലാക്കൽ മുതൽ തണ്ണിത്തോട് മൂഴി വരെയുള്ള സ്ഥലങ്ങളിൽ നിരവധി ആനത്താരകൾ ഉണ്ട് .പലസ്ഥങ്ങളിലും വനം വകുപ്പ് മുന്നറിയിപ്പ് ബോർഡുകൾ സ്ഥാപിച്ചിട്ടുമുണ്ട്. എന്നാൽ വാഹന യാത്രക്കാർ ആനകളെ കാണുമ്പോൾ ആനകൾ പ്രകോപിതരാകുന്ന തരത്തിൽ ഹോൺ മുഴക്കുന്നതിനോ ഒച്ചയുണ്ടാക്കുന്നതിനോ ശ്രമിക്കരുതെന്നും വനം വകുപ്പ് അധികൃതർ ഓർമ്മപ്പെടുത്തുന്നു.
