തിരുവനന്തപുരം: കേരളത്തിന്റെ തലസ്ഥാനം കൊച്ചിയിലേക്ക് മാറ്റണമെന്ന് ഹൈബി ഈഡന് എംപിയുടെ സ്വകാര്യബില്ലിനെ വിമര്ശിച്ച് ആര്എസ്പി രംഗത്തെത്തി. ഇത്തരം ചര്ച്ച തന്നെ ഗുണകരമല്ലെന്ന് പ്രേമചന്ദ്രന് എംപി വിമര്ശിച്ചു. ഒരു ചെറുപ്പക്കാരന്റെ തോന്നല് മാത്രമാണെന്നായിരുന്നു ഷിബു ബേബി ജോണിന്റെ പ്രതികരണം. ഇത്തരം കാര്യങ്ങള് പാര്ട്ടിയിലും മുന്നണിയിലും ചര്ച്ച ചെയ്യുന്നതാണ് മര്യാദയെന്നും ഷിബു ബേബി ജോണ് പറഞ്ഞു. വ്യവസായ തലസ്ഥാനമായ എറണാകുളത്തെ സംസ്ഥാന തലസ്ഥാനമാക്കേണ്ടതല്ലേയെന്ന ചര്ച്ചകള് നേരത്തെയും ഉയര്ന്നിരുന്നു.
അതേസമയം ഹൈബി ഈഡന്റെ ആവശ്യം തള്ളി സര്ക്കാര് തള്ളി. തലസ്ഥാനം തിരുവനന്തപുരം തന്നെയായി തുടരുമെന്നും ആവശ്യം പരിഗണിക്കേണ്ടതില്ലെന്നും മുഖ്യമന്ത്രി പിണറായി വിജയന് വ്യക്തമാക്കി. ഇക്കഴിഞ്ഞ മാര്ച്ചില് പാര്ലമെന്റില് അവതരിപ്പിച്ച സ്വകാര്യ ബില്ലിലാണ് ഹൈബി ഈഡന് ഈ ആവശ്യം ഉന്നയിച്ചത്. തുടര്ന്ന് കേന്ദ്ര ആഭ്യന്തരമന്ത്രാലയം ഇക്കാര്യത്തില് സംസ്ഥാന സര്ക്കാരിന്റെ അഭിപ്രായം തേടി.
