റിയാദ് : സൗദിയുടെ വിവിധ ഭാഗങ്ങളിലായി പകൽ താപനില 48 ഡിഗ്രി വരെ ഉയർന്നു. ശക്തമായ ചൂട് കാറ്റിനൊപ്പം ഉഷ്ണക്കാറ്റും ഉണ്ടാകുന്നുണ്ട്. കിഴക്കൻ പ്രവിശ്യ, മദീന, മക്ക, റിയാദ് പ്രവിശ്യകളിലാണ് ശക്തമായ വേനൽ ചൂട് അനുഭവപ്പെട്ട് വരുന്നത്. കഴിഞ്ഞ ദിവസം ഈ സ്ഥലങ്ങളിൽ പകൽ താപനില 48 ഡിഗ്രി വരെ ഉയർന്നിരുന്നു. ചൂട് കുറയുന്നതുവരെ ഉച്ച സമയത്തുള്ള യാത്രകളും മരുഭൂമി വാസങ്ങളും ഒഴിവാക്കണമെന്ന് ദേശീയ കാലാവസ്ഥ വിദഗ്ധർ മുന്നറിയിപ്പ് നൽകി. ഉയർന്ന താപനിലയിൽ വീശിയടിക്കുന്ന കാറ്റില് പൊടിപടലങ്ങളും വിഷവാതകങ്ങളും കൂടിയ തോതിൽ അടങ്ങിയിരിക്കും. ഇത് ആരോഗ്യ പ്രശ്നങ്ങൾക്കും അപകടങ്ങൾക്കും കാരണമാകുമെന്ന് വിദഗ്ധർ അഭിപ്രയപ്പെട്ടു. എന്നാൽ അൽ ബാഹഹ, അൽ ഖസീം, അബഹ ഭാഗങ്ങളിൽ താപനില 20നും 22നും ഇടയിലാണ് രേഖപ്പെടുത്തിയത്. ഇവിടെ മഴയും കോടമഞ്ഞും അടങ്ങുന്ന തണുപ്പ് കാലവസ്ഥയാണ് അനുഭവപ്പെടുന്നത്.
