തിരുവനന്തപുരം: സംസ്ഥാനത്ത് വേനല് മഴ ഏറ്റവും കൂടുതല് ലഭിച്ചത് പത്തനംതിട്ടയില്. മാര്ച്ച് 1 മുതല് 31 വരെ ഏറ്റവും കൂടുതല് വേനല് മഴ ലഭിച്ചത് പത്തനംതിട്ട ജില്ലയിലാണ്. ജില്ലയില് ഈ കാലയളവില് 82% അധിക മഴ ലഭിച്ചു. 125 മി.മീ മഴയാണ് ജില്ലയില് ആകെ ലഭിച്ചത്. ജില്ലയില് ഏറ്റവും കൂടുതല് മഴ ലഭിച്ച് മണ്ണീറയിലാണ് 461 മി.മീ. തവളപ്പാറ, കുമ്മണ്ണൂര്, കരിപ്പാന് തോട്, പെരുന്തേനരുവി, ളാഹ മേഖലകളിലും 250 മി.മീ അധികം മഴ ലഭിച്ചു. അടൂര്, തിരുവല്ല താലൂക്കുകളിലും മല്ലപ്പള്ളി, കോഴഞ്ചേരി താലൂക്കിലെ ചില മേഖലകളിലും സാധാരണയിലും കുറഞ്ഞ മഴയാണ് ലഭിച്ചത്.
അതേസമയം സംസ്ഥാനത്ത് വരുംദിവസങ്ങളില് വേനല് മഴ ശക്തി പ്രാപിക്കുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് നല്കിയിട്ടുണ്ട്. മലയോര മേഖലകളിലാണ് കൂടുതല് മഴക്ക് സാധ്യത. കോഴിക്കോട്, വയനാട്, കണ്ണൂര്, കാസര്കോട് ഒഴികെയുള്ള ജില്ലകളിലെ മലയോര മേഖലകളില് വെള്ളിയാഴ്ച വേനല് മഴക്ക് സാധ്യതയുണ്ട്.
