തിരുവനന്തപുരം : കേന്ദ്ര നിര്‍ദേശങ്ങളുടെ അടിസ്ഥാനത്തില്‍ സംസ്ഥാനത്ത് റസ്റ്ററന്‍റുകള്‍, ഷോപ്പിംഗ് മാളുകള്‍, ഓഫീസുകള്‍, തൊഴില്‍ സ്ഥാപനങ്ങള്‍ എന്നിവ തുറന്നു പ്രവര്‍ത്തിക്കുന്നതിനുള്ള പ്രത്യേക മാര്‍ഗനിര്‍ദേശങ്ങള്‍ മുഖ്യമന്ത്രി പിണറായി വിജയന്‍ അറിയിച്ചു. കേന്ദ്ര മാര്‍ഗനിര്‍ദേശങ്ങള്‍ പൊതുവായി സംസ്ഥാനത്ത് നടപ്പാക്കുമെന്ന് അദ്ദേഹം പറഞ്ഞു.
താമസിക്കാനുള്ള ഹോട്ടലുകള്‍
◘സാനിറ്റൈസര്‍, താപപരിശോധനയ്ക്കുള്ള സംവിധാനം ഉണ്ടാവണം
◘സ്റ്റാഫിനും സന്ദര്‍ശകര്‍ക്കും രോഗലക്ഷണം ഉണ്ടാവരുത്
◘ജീവനക്കാരും സന്ദര്‍ശകരും ഹോട്ടലിലുള്ള മുഴുവന്‍ സമയവും മാസ്ക് ധരിക്കണം
◘അകത്തേക്കും പുറത്തേക്കുമുള്ള പ്രവേശനം പ്രത്യേക വാതിലുകള്‍ വഴിയാവണം
◘ആളുകള്‍ ഇറങ്ങുന്നതും കയറുന്നതും ഒരേസമയത്ത് ആകരുത്
◘ലിഫ്റ്റില്‍ കയറുന്ന ആളുകളുടെ എണ്ണം പരിമിതപ്പെടുത്തണം
◘എക്സലേറ്ററുകളില്‍ ഒന്നിടവിട്ട പടികളില്‍ നില്‍ക്കണം
◘അതിഥിയുടെ യാത്രാ ചരിത്രം, ആരോഗ്യസ്ഥിതി എന്നിവ സ്വ‍യം സാക്ഷ്യപ്പെടുത്തി റിസപ്ഷനില്‍ നല്‍കണം
◘പണം നല്‍കുന്നത് ഓണ്‍ലൈന്‍ മാര്‍ഗത്തില്‍
◘ലഗേജ് അണുവിമുക്തമാക്കണം
◘സന്ദര്‍ശകരോട് കണ്ടെയ്മെന്‍റ്സോണുകള്‍ സന്ദര്‍ശിക്കരുതെന്ന് പറയണം
◘റൂമിന്റെ വാതിക്കല്‍ ആഹാരസാധനങ്ങള്‍ വയ്ക്കണം
◘എയര്‍കണ്ടീഷണര്‍(എസി) 24-30 ഡിഗ്രിയില്‍ പ്രവര്‍ത്തിപ്പിക്കണം
◘എസി ഒഴിവാക്കുന്നത് ഉചിതം
റസ്റ്ററന്‍റുകള്‍
◘ആളുകള്‍ക്ക് ഇരുന്ന് ഭക്ഷണം കഴിക്കാം
◘ഹോം ഡെലിവറി പ്രോത്സാഹിപ്പിക്കണം
◘ഹോം ഡെലിവറിക്ക് പോകുന്നവരുടെ താപപരിശോധന നടത്തണം
◘മെനുകാര്‍ഡുകള്‍ ഡിസ്പോസിബിള്‍ വസ്തുക്കള്‍ ഉപയോഗിച്ച്‌ നിര്‍‌മിച്ചവയാവണം
◘പേപ്പര്‍ നാപ്പ്കിനുകള്‍ ഉപയോഗിക്കണം
◘ഭക്ഷണം വിളമ്പുന്നവര്‍ മാസ്കും കൈയുറയും ധരിക്കണം
◘സ്ഥാപനത്തിന് ഉള്‍ക്കൊള്ളാവുന്നതിന്റെ പകുതിയില്‍ താഴെ മാത്രം ആളുകളെ പ്രവേശിപ്പിക്കാം
◘ഓണ്‍ലൈന്‍ പേയ്മെന്‍റ് നിര്‍ബന്ധമാക്കണം
◘എല്ലാ മേശകളും ഉപഭോക്താവ് പോയതിനു ശേഷം അണുവിമുക്തമാക്കണം
◘വിളമ്പുന്ന പാത്രങ്ങള്‍ ചൂടുവെള്ളത്തില്‍ കഴുകണം
മാളുകള്‍
◘സിനിമ ഹാളുകള്‍ അടച്ചിടണം
◘കുട്ടികളുടെ കളി സ്ഥലങ്ങളും ഗെയിം ആര്‍ക്കേഡുകളും അടച്ചിടണം
ഓഫീസുകളും തൊഴില്‍ സ്ഥലങ്ങളും
◘കണ്ടെയ്മെന്റ് സോണുകളിലുള്ള ഡ്രൈവര്‍മാര്‍ വാഹനം ഓടിക്കരുത്
◘വാഹനത്തിന്റെ ഉള്‍ഭാഗം സ്റ്റിയറിംഗ് വീല്‍, ഡോര്‍ ഹാന്‍ഡില്‍, താക്കോല്‍ എന്നിവ അണുവിമുക്തമാക്കണം
◘പ്രായമുള്ളവര്‍ ഗര്‍ഭിണികള്‍ രോഗാവസ്ഥയുള്ളവര്‍ അധിക മുന്‍കരുതല്‍ സ്വീകരിക്കണം
◘ഇവര്‍ക്ക് പൊതുജനങ്ങളുമായി നേരിട്ട് ബന്ധമുള്ള ജോലികള്‍ ഏല്‍പ്പിക്കരുത്
◘കഴിയുന്നത്ര ഇവര്‍ക്ക് വര്‍ക്ക് ഫ്രം ഹോം നല്‍കണം
◘യോഗങ്ങള്‍ വീഡിയോ കോണ്‍ഫറന്‍സ് വഴിയാക്കണം
◘പ്രവേശനത്തിനും പുറത്തുപോകുന്നതിനും പ്രത്യേക കവാടങ്ങള്‍
◘ക്യാന്‍റീനുകളില്‍ ജീവനക്കാര്‍ കൈയുറകളും മാസ്കും ധരിക്കണം
◘അടുക്കളയില്‍ സ്റ്റാഫ് സാമൂഹ്യ അകലം പാലിക്കണം
◘ഒരു മീറ്റര്‍ അകലത്തിലേ ഇരിക്കാവൂ
◘ഓഫീസില്‍ ആര്‍ക്കെങ്കിലും കോവിഡ് ലക്ഷണങ്ങള്‍ കണ്ടെത്തിയാല്‍ പ്രത്യേക സ്ഥലത്തേക്ക് മാറ്റി വൈദ്യസഹായം ഉറപ്പാക്കണം
◘സന്ദര്‍ശകര്‍ക്ക് സാധാരണ ഗതിയിലുള്ള പാസുകള്‍ നല്‍കുന്നത് അനുവദിക്കില്ല. ബന്ധപ്പെട്ട ഉദ്യോഗസ്ഥന്റെ അനുമതിയോടെ മതിയായ സ്ക്രീനിങ്ങിനുശേഷം പ്രത്യേകമായി പാസ് നല്‍കാം
◘ഓഫീസുകളില്‍ ബാക്കിയുള്ള ഫയലുകള്‍ തീര്‍പ്പാക്കുന്നതിന് മുന്‍ഗണന നല്‍കണം
◘വ്യത്യസ്ത ഓഫീസുകളുടെ സമയവും ഉച്ചഭക്ഷണ/കോഫി ഇടവേളകളും പരമാവധി വ്യത്യസ്ത സമയങ്ങളിലാക്കണം
◘ഓഫീസുകളില്‍ ആരെങ്കിലും കോവിഡ് ലക്ഷണങ്ങള്‍ പ്രകടിപ്പിച്ചാല്‍ പ്രത്യേക സ്ഥലത്തേക്ക് മാറ്റി വൈദ്യസഹായം ലഭ്യമാക്കണം. സമ്പര്‍ക്കം കണ്ടെത്തി അ വരെ ഹൈ റിസ്ക്, ലോ റിസ്ക് എന്നിങ്ങനെ തരംതിരിക്കും. ഹൈ റിസ്ക് സമ്പര്‍ക്കമുള്ളവരെ 14 ദിവസം ക്വാറന്‍റൈന്‍ ചെയ്യും. ലോ റിസ്ക് സമ്പര്‍ക്കമാണെങ്കില്‍ ആരോഗ്യസ്ഥിതി 14 ദിവസം നിരീക്ഷിക്കും
◘ഓഫീസില്‍ വരാന്‍ സാധിക്കാത്ത ജീവനക്കാര്‍ അതതു ജില്ലകളില്‍ കോവിഡ് പ്രതിരോധ പ്രവര്‍ത്തനത്തില്‍ പങ്കാളികളാകണം. വകുപ്പ് തലവന്മാര്‍ ഇത് ഉറപ്പുവരുത്തണം. ജില്ലാ കളക്ടര്‍മാര്‍ മുഖേന വകുപ്പ് തലവന്മാര്‍ ഇവരുടെ ജോലി ഉറപ്പു വരുത്തണം
◘റാമ്പുകളുടെയും ഗോവണിപ്പടികളുടെയും കൈവരികളില്‍ പിടിക്കരുത്. ഭിന്നശേഷിക്കാര്‍ക്ക് പിടിക്കേണ്ടി വരുമ്പോള്‍ നിര്‍ബന്ധമായും കൈയുറകള്‍ ധരിച്ചിരിക്കണം
◘പരാതികള്‍ ഓണ്‍ലൈനായി സ്വീകരിക്കണം. പരാതികള്‍ നേരിട്ട് സമര്‍പ്പിക്കാന്‍ സന്ദര്‍ശകര്‍ എത്തുന്നത് ഒഴിവാക്കണം. ഓണ്‍ലൈന്‍ പരാതികള്‍ക്ക് കൃത്യമായി മറുപടി നല്‍കുന്ന സംവിധാനവും ഉണ്ടാക്കും
