പെർമനന്റ് അക്കൗണ്ട് നമ്പർ അഥവാ പാൻ കാർഡ്, ഏകീകൃത തിരിച്ചറിയൽ രേഖയായ ആധാറുമായി ബന്ധിപ്പിക്കാൻ അനുവദിച്ചിരുന്ന സമയപരിധി അവസാനിച്ചു. ഇതോടെ ജൂൺ 30-നകം ആധാറുമായി ബന്ധിപ്പിക്കാത്ത പാൻ കാർഡുകൾ പ്രവർത്തനരഹിതമായി. നേരത്തെ നിരവധി തവണ സമയപരിധി നീട്ടിനൽകിയതിനാൽ ഇത്തവണ സാവകാശം നൽകാൻ സർക്കാർ തയ്യാറായില്ല.
പാൻ കാർഡ് പ്രവർത്തനരഹിതമായാൽ നിരവധി സാമ്പത്തിക ഇടപാടുകൾക്കും സേവനങ്ങൾക്കും ഭാവിയിൽ പ്രതിബദ്ധം നേരിടാം. ഇതിനു പുറമെ ആദായ നികുതി റിട്ടേൺ സമർപ്പിക്കണമെങ്കിലും ആധാറുമായി ബന്ധിപ്പിക്കപ്പെട്ട പാൻ കാർഡ് അത്യന്താപേക്ഷിതമാണ്. ഈ ലേഖനം തയ്യാറാക്കുന്ന സമയം വരെയും ആധാറുമായി പാൻ ബന്ധിപ്പിക്കുന്നതിനുള്ള സാവകാശം നീട്ടുന്നതു സംബന്ധിച്ച് സർക്കാർ ഉത്തരവൊന്നും ഇറക്കിയിട്ടുമില്ല. ഈയൊരു പശ്ചാത്തലത്തിൽ ഇനി ചെയ്യാവുന്ന കാര്യങ്ങളാണ് വിശദീകരിക്കുന്നത്.
പാൻ കാർഡ് എങ്ങനെ വീണ്ടും സജീവമാക്കാം?
ആധാറുമായി ബന്ധിപ്പിക്കാത്തതിനാൽ പ്രവർത്തനരഹിതമായ പാൻ കാർഡുകൾ വീണ്ടും സജീവമാക്കുന്നതിനായി വ്യക്തികൾ എന്തു ചെയ്യണമെന്ന് 2023 മാർച്ച് 28-ന് പുറത്തിറക്കിയ സെൻട്രൽ ബോർഡ് ഓഫ് ഡയറക്ട് ടാക്സിന്റെ സർക്കുലറിൽ സൂചിപ്പിച്ചിട്ടുണ്ടായിരുന്നു. പാൻ വീണ്ടും സജീവമാക്കുന്നതിന് 1000 രൂപ പിഴത്തുകയായി അടയ്ക്കേണ്ടതുണ്ട്. എന്നിരുന്നാലും പിഴത്തുക നൽകിയിട്ട് 30 ദിവസത്തിനകമായിരിക്കും പാൻ കാർഡ് വീണ്ടും പ്രവർത്തന ക്ഷമമാകുന്നത്.
ഉദാഹരണത്തിന്, പിഴത്തുക അടച്ചശേഷം ജൂലൈ 20-നാണ് ആധാറുമായി പാൻ കാർഡ് ബന്ധിപ്പിക്കുന്നതിനുള്ള അപേക്ഷ സമർപ്പിച്ചതെന്ന് കരുതുക. എങ്കിൽ ഓഗസ്റ്റ് 19-നോ അതിനുള്ളിലോ പാൻ കാർഡ് വീണ്ടും സജീവമാകും. ഇവിടെ ശ്രദ്ധിക്കേണ്ട പ്രധാനകാര്യം പിഴത്തുക അടച്ചശേഷം ആധാറുമായി ബന്ധിപ്പിക്കാനുള്ള അപേക്ഷയും നൽകിയിട്ടുണ്ടെങ്കിലും പാൻ കാർഡ് സജീവമാകുന്നതു വരെയുള്ള കാലയളവിലും സാമ്പത്തിക ഇടപാടുകൾക്ക് നേരിടേണ്ടി വരുന്ന ബുദ്ധിമുട്ടുകളും / ഉയർന്ന ടിഡിഎസ് നികുതിയും ഉൾപ്പെടെയുള്ളവ ബാധകമായിരിക്കും.
എങ്ങനെ പിഴത്തുക അടയ്ക്കാം?
ആധാറുമായി പാൻ കാർഡ് ബന്ധിപ്പിക്കുന്നതിന് മുന്നോടിയായി പിഴത്തുക അടയ്ക്കുന്നതിന്, ആദായ നികുതി വകുപ്പിന്റെ ഇ-ഫയലിങ് വെബ്സൈറ്റിൽ ലോഗിൻ ചെയ്യേണ്ടതുണ്ട്. തുടർന്ന് പ്രൊഫൈൽ സെക്ഷനിൽ, “Link PAN with Aadhaar” എന്ന ഓപ്ഷൻ ക്ലിക്ക് ചെയ്യുക. ആവശ്യമായ വിവരങ്ങൾ അവിടെ നൽകിക്കഴിഞ്ഞാൽ, പിഴത്തുക ഇ-പേ ടാക്സ് മുഖേന ഓൺലൈനായി അടയ്ക്കാം. അതേസമയം “Other payments” എന്ന വിഭാഗത്തിലായിരിക്കും ഈ പിഴത്തുക വരവുവെയ്ക്കുന്നത്. അതിനാൽ പിഴത്തുക അടയ്ക്കുന്നതിന് മുമ്പെ കൃത്യമായ ഓപ്ഷൻ തിരഞ്ഞെടുത്തുവെന്ന് ഉറപ്പാക്കുക.
പാൻ പ്രവർത്തനരഹിതമായാൽ എന്തു സംഭവിക്കും?
1.ലഭിക്കാനുള്ള ടാക്സ് റീഫണ്ടുകൾ ലഭിക്കില്ല.
2.ടിഡിഎസ്/ ടിസിഎസ് തുടങ്ങിയ നികുതികൾ ഉയർന്ന നിരക്കിൽ ചുമത്തും.
3. ഇൻകം ടാക്സ് റിട്ടേൺ സമർപ്പിക്കാൻ കഴിയില്ല.
4. ബാക്കിനിൽക്കുന്ന ഇൻകം ടാക്സ് റിട്ടേണുകളിലും തുടർ നടപടിയുണ്ടാകില്ല.
5. പാൻ നിർബന്ധമായ സേവനങ്ങളിൽ തടസം നേരിടാം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
