ചട്ടികളിൽ എളുപ്പത്തിൽ വളർത്തിയെടുക്കാൻ കഴിയുന്ന പോഷക സമൃദ്ധമായ പച്ചക്കറിയാണ് ക്യാരറ്റ്. അപ്പാർട്ട്മെൻ്റ് ആയാലും ഫ്ലാറ്റ് ആയാലും അനുയോജ്യമായ ഓപ്ഷനാണ് ക്യാരറ്റ്. കാരറ്റ് വളർത്താനുള്ള ഏറ്റവും നല്ല സമയമാണിപ്പോൾ. കാരറ്റിന് നല്ല വിളവ് ലഭിക്കുന്നതിന് ശരിയായ സമയത്ത് നടേണ്ടത് പ്രധാനമാണ്. മണ്ണിലല്ലാതെ പാത്രങ്ങളിൽ ക്യാരറ്റ് വളർത്തുന്നതിന് കുറഞ്ഞത് 10-12 ഇഞ്ച് ആഴവും കഴിയുന്നത്ര വീതിയുമുള്ള പാത്രമാണ് ഉപയോഗിക്കേണ്ടത്. ക്യാരറ്റ് വളർത്തുമ്പോൾ ശ്രദ്ധിക്കേണ്ട കാര്യം ചട്ടി തെരഞ്ഞെടുത്തതിന് ശേഷം ഗുണനിലവാരമുള്ള പോട്ടിംഗ് മണ്ണ് നിറയ്ക്കുക. 0.25-0.5 ഇഞ്ച് ആഴത്തിൽ വിത്ത് പാകുക. മുളച്ച് കഴിഞ്ഞാൽ നേർത്ത കാരറ്റ് തൈകൾ (2 ഇഞ്ച് ഉയരമുള്ളപ്പോൾ) ചട്ടികളിലേക്ക് മാറ്റി നടാവുന്നതാണ്.
കണ്ടെയ്നറിൽ ക്യാരറ്റ് നടുമ്പോൾ കുറഞ്ഞത് 6-8 മണിക്കൂഡർ നേരിട്ടുള്ള സൂര്യപ്രകാശം 8-10 മണിക്കൂർ പരോക്ഷമായ സൂര്യപ്രകാശവും ആവശ്യമാണ്. വേരുകളുടെ വളർച്ചയെ തടസ്സപ്പെടുത്താത്ത നല്ല നീർവാഴച്ചയുള്ള എക്കൽ നിറഞ്ഞ വായുസഞ്ചാരമുള്ള മണ്ണാണ് ക്യാരറ്റ് ഇഷ്ടപ്പെടുന്നത്. നിങ്ങൾക്ക് പോട്ടിംഗ് മിക്സ് വാങ്ങിക്കാം. അല്ലെങ്കിൽ സ്വന്തമായി ഉണ്ടാക്കിയെടുക്കാം. തയ്യാറാക്കുന്ന മണ്ണ് കളിമണ്ണിനേക്കാൾ കൂടുതൽ മണ്ണ് നിറഞ്ഞതാണെന്നും കല്ല് ഇല്ലെന്നും ഉറപ്പാക്കുക. മണ്ണ് എപ്പോഴും ഈർപ്പമുള്ളതായി നിലനിർത്തുന്നതിന് പതിവായി നനയ്ക്കുക. മണ്ണ് പൂർണമായി ഉണങ്ങാൻ വിടരുത്. എന്നിരുന്നാലും അമിതമായി നനയ്ക്കുന്നതും വെള്ളം കെട്ടിനിൽക്കുന്നതും ഒഴിവാക്കുക. ക്യാരറ്റ് ചെടികൾക്കിടയിലുള്ള ശരിയായ അളവിലുള്ള ഇടം ഓരോ ചെടിയെയും സ്വതന്ത്യമായി വളരുന്നതിന് അനുവദിക്കുന്നു. വിത്ത് പാകുമ്പോൾ രണ്ടോ മൂന്നോ ഇഞ്ച് അകലത്തിൽ വേണം പാകാൻ. തൈകൾ രണ്ടോ മൂന്നോ ഇഞ്ച് ഉയരത്തിൽ വളരുമ്പോൾ അവ മൂന്നോ നാലോ ഇഞ്ച് അകലത്തിൽ ആയിരിക്കണം.
