മഹാരാഷ്ട്ര : കോവിഡ് ബാധിച്ച് ഭര്‍ത്താവ് മരിച്ചതിന് പിന്നാലെ ഭാര്യയും മകനും ആത്മഹത്യ ചെയ്തു. മഹാരാഷ്ട്രയിലെ നന്ദേ ജില്ലയിലാണ് സംഭവം.
ഭര്‍ത്താവിന്റെ മരണത്തില്‍ 33 വയസുകാരിയായ യുവതി കടുത്ത മാനസിക സമ്മര്‍ദ്ദത്തിലായിരുന്നു. ഇതിനിടെ കഴിഞ്ഞ ദിവസം ഇവര്‍ ലോഹയിലെ തടാകത്തിലേക്ക് എടുത്ത് ചാടിയത്. അമ്മ തടാകത്തിലേക്ക് ചാടുന്നത് കണ്ട മൂന്നു വയസുകാരനും കൂടെ ഇറങ്ങുകയായിരുന്നു. രണ്ടു പേരും മുങ്ങി മരിച്ചു. മൂന്ന് കുട്ടികളാണ് ഇവര്‍ക്ക്.
അടുത്തിടെ ജോലികള്‍ ഇല്ലാത്തതിനാല്‍ ഇവര്‍ ജോലിക്കായി നാട്ടില്‍ അലഞ്ഞുതിരിയുകയായിരുന്നു. ഇത്തരത്തില്‍ നടന്നപ്പോഴാണ് ഭര്‍ത്താവിന് കൊവിഡ് ബാധയുണ്ടായത്. കുറച്ച്‌ ദിവസം സര്‍ക്കാര്‍ ആശുപത്രിയില്‍ കിടന്നതിന് ശേഷമാണ് ഇദ്ദേഹം മരണപ്പെട്ടത്.
