മുടി നര ഇന്നത്തെ കാലത്ത് പലേരയും അലട്ടുന്ന പ്രശ്നമാണ്. പ്രായമാകുമ്പോള് ഇത് സ്വാഭാവികമാണെങ്കിലും ഇന്നത്തെ കാലത്ത് ചെറുപ്പക്കാരില് എന്തിന് കുട്ടികളില് പോലും കണ്ടുവരുന്ന ഒരു പ്രധാനപ്പെട്ട പ്രശ്നമാണ് ഇത്. ഇതിന് കാരണങ്ങള് പലതാണ്. മുടിയില് നടക്കുന്ന പരീക്ഷണങ്ങളും പ്രയോഗിയ്ക്കുന്ന കെമിക്കലുകളുമെല്ലാം തന്നെ മുടി നരയ്ക്കുള്ള കാരണമാകും. ഇതല്ലാതെ പോഷകക്കുറവ്, സ്ട്രെസ് പോലുള്ള ചില കാര്യങ്ങള് എല്ലാം തന്നെ നര വരുന്നതിന് കാരണമാകും. മുടിയുടെ നര മാറാന് പലരും കൃത്രിമ ഡൈകളാണ് ഉപയോഗിയ്ക്കുന്നത്. എന്നാല് ഇവ പലപ്പോഴും ആരോഗ്യത്തിന് വരെ ദോഷകരമാകുന്നവയായി മാറുന്നു. ഇതിന് പരിഹാരമായി ചെയ്യാവുന്ന നാച്വറല് വഴികള് പരീക്ഷിയ്ക്കുകയെന്നതാണ്. ഇതിന് സഹായിക്കുന്ന ഒന്നാണ് നീലയമരി.
മുടിയുടെ ആരോഗ്യത്തിന്
നീലയമരി ഇന്ഡിഗോ പൗഡര് എന്ന പേരില് അറിയപ്പെടുന്ന ഒന്നാണ്. ഇന്ഡിക എന്നാണ് ഇതിന്റെ ഇംഗ്ലീഷ് നാമം. കടകളില് നാം സാധാരണ ഈ പൊടി കാണാറുമുണ്ട്. മുടി നര ഒഴിവാക്കാന് ഇന്ഡിക പൗഡര് അഥവാ നീലയമരി ഉപയോഗിയ്ക്കാവുന്നതാണ്. മുടിയുടെ ആരോഗ്യത്തിന് ഏറെ ഗുണം നല്കുന്ന ഒന്നാണ് ഇത്. മുടിയില് തേയ്ക്കുന്ന ആയുര്വേദ എണ്ണയായ നീലിഭൃംഗാദി പോലുളളവയിലെ പ്രധാനപ്പെട്ടൊരു ചേരുവയാണിത്. മുടിയുടെ നര മാറാന് ഇത് പ്രത്യേക രീതിയില് ഉപയോഗിയ്ക്കാം. മുടി വളര്ച്ചയ്ക്കും ഇതേറെ നല്ലതാണ്. ഇന്ഡിഗോ മുടി കറുപ്പിയ്ക്കാന് ചെയ്യേണ്ട ചില കാര്യങ്ങള് കൂടിയുണ്ട്. ഇത് ചെയ്യുന്നത് ഗുണം നല്കും.
ഇന്ഡിഗോ പൗഡര്
ഇന്ഡിഗോ പൗഡര് മാത്രമായി ഉപയോഗിച്ചാല് ഗുണം ലഭിയ്ക്കില്ല. ഇതിന് മുന്നേയായി തലയില് ഹെന്ന കൂടി ഇട്ടാല് മാത്രമേ ഗുണം ലഭിയ്ക്കൂ. ഹെന്ന മുടിയില് ഇടുമ്പോള് തലേന്ന് തയ്യാറാക്കി വെച്ച് ഇടുമ്പോള് ഗുണം കൂടുതലാകും. ഇത് ഇരുമ്പ് ചീനച്ചട്ടിയില് തയ്യാറാക്കിയാല് കൂടുതല് ഗുണം ലഭിയ്ക്കും. ഹെന്ന മുടിയില് ഇടുമ്പോള് ഒരു ബ്രൗണ് നിറമാണ് ലഭിയ്ക്കുക. ഹെന്ന ഇട്ട് ഒന്ന് രണ്ടു മണിക്കൂര് ശേഷം മുടി ഷാംപൂ ചെയ്യാതെ തന്നെ കഴുകുക. ഷാംപൂ ചെയ്താല് ഇന്ഡിഗോ ഇടുന്നതിന്റെ ഗുണവും ഹെന്ന ഗുണവും പൂര്ണമായി ലഭിയ്ക്കില്ല. ഇതുപോലെ ഹെന്നയും ഇന്ഡിഗോയും ഇടുന്നതിന് മുന്പേ മുടിയിലെ എണ്ണമയം പൂര്ണമായി നീക്കിയാലേ ഗുണം ലഭിയ്ക്കൂ. വല്ലാതെ വരണ്ട മുടിയെങ്കില് തൈര് പോലുള്ള ചേരുവകളോ ഫ്ളാക്സ് സീഡ് ജെല്ലോ കറ്റാര്വാഴ ജെല്ലോ ചേര്ത്ത് തയ്യാറാക്കുന്നത് ഗുണം നല്കും. ഇന്ഡിഗോ പൗഡര് നല്ല ശുദ്ധമായത് നോക്കി വാങ്ങണം. ഇതില് ചെറുചൂടുള്ള തേയില വെള്ളം ഒഴിച്ച് മിശ്രിതമാക്കുന്നതാണ് നല്ലത്. ഇതില് അല്പം ഉപ്പ് കൂടി ചേര്ക്കുന്നത് നല്ലതാണ്. ഇത് മിശ്രിതമാക്കി 10 മിനിറ്റ് ശേഷം മുടിയില് പുരട്ടാം. അധികം നേരം ഇത് വെയ്ക്കരുത്. നരയുള്ള ഭാഗത്ത് ഇത് നല്ലതുപോലെ പുരട്ടാം. ഇത് മുടിയില് 1, 2 മണിക്കൂര് നേരം വെയ്ക്കുക. പിന്നീട് ഇത് കഴുകിക്കളയാം. ഷാംപൂ ഉപയോഗിയ്ക്കരുത്. ഇത് എല്ലാ ആഴ്ചയില് ചെയ്താലും മുടിയ്ക്ക് ദോഷം വരുന്നില്ല.
ഹെന്ന മിശ്രിതം പുരട്ടുമ്പോള് നരച്ച മുടി ബ്രൗണ് നിറമാകും. ഇതിന് ശേഷം ഇന്ഡിഗോ സ്റ്റെപ്പ് കൂടി ചെയ്യുമ്പോള് ബ്രൗണ് നിറം കറുപ്പായി മാറുന്നു. മുടി ബ്രൗണ് നിറം വേണ്ടവര്ക്ക് ആദ്യത്തെ ഹെന്ന സ്റ്റെപ്പ് മതിയാകും. ഇത് മുടി വളരാനും നല്ലതാണ്. സ്വാഭാവിക ഡൈ ആയതിനാല് തന്നെ മുടിയ്ക്കോ ആരോഗ്യത്തിനോ യാതൊരു ദോഷവും ഇന്ഡിഗോ ഡൈ ചെയ്യുന്നുമില്ല. ഇത് മുടി വളരാനും മുടിയുടെ പല തരത്തിലെ പ്രശ്നങ്ങള് അകറ്റാനും സഹായിക്കുന്നവയാണ്. ഇവ തികച്ചും പ്രകൃതിദത്ത വസ്തുക്കള് തന്നെയാണ്. ഇതിനാല് നാം ഇവ ഉപയോഗിയ്ക്കുമ്പോഴും തികച്ചും ശുദ്ധമായത് മാത്രം ഉപയോഗിയ്ക്കാന് ശ്രമിയ്ക്കുക.
