കോന്നി : കൃത്യമായ ലക്ഷ്യബോധത്തോടുകൂടി മുന്നോട്ടു പോയാൽ വിജയം സുനിശ്ചിതമാണെന്ന് ജില്ലാ പഞ്ചായത്ത് പ്രസിഡന്റ് ദീനാമ്മ റോയ് പറഞ്ഞു. ഐരവൺ പി.എസ്.വി.പി.എം ഹയർ സെക്കൻഡറി സ്കൂളിലെ എ പ്ലസ് ലഭിച്ച വിദ്യാർത്ഥികളെ അവരുടെ വീടുകളിലെത്തി അനുമോദിക്കുന്ന പാരിപാടിയായ പ്രതിഭായനം 2026 ഉദ്ഘാടനം നിർവഹിച്ച് സംസാരിക്കുകയായിരുന്നു പ്രസിഡന്റ്. ജില്ലാ പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല, ജില്ലാ പഞ്ചായത്ത് അംഗം സന്തോഷ് കുമാർ, സ്കൂൾ മാനേജർ ആർ.അജിത് കുമാർ
അരുവാപ്പുലം പഞ്ചായത്ത് പ്രസിഡന്റ് രേഷ്മ ബി., കോന്നി പഞ്ചായത്ത് പ്രസിഡന്റ് റോജി എബ്രഹാം, പ്രമാടം പഞ്ചായത്ത് പ്രസിഡന്റ് സുശീലാ അജി, വാർഡ് മെമ്പർമാരായ ശ്യാമ കൃഷ്ണ, മിനി വിനോദ്, സ്മിത സന്തോഷ്, ദിലീപ് കുമാർ, മധു സി.എസ്, ആനന്ദവല്ലി അമ്മാൾ, ഷീബാ സുധീർ, ജോയ് തോമസ്, പ്രിൻസിപ്പൽ ഹരി ബി, അധ്യാപകരായ അഫ്സൽ ആനപ്പാറ, വി. ശ്രീകുമാർ, രാജേഷ് ജി, ബിന്ദു ജി, ബിന്ദു ബി.നായർ, അമ്പിളി ദേവി എംപി എന്നിവർ സംസാരിച്ചു.
