ഇലന്തൂർ : പടയണിക്ക് ഇലന്തൂർ കാവിലമ്മയെ ചൂട്ടുകറ്റയിൽ കൊട്ടി വിളിച്ച് കളത്തിലേക്ക് ആനയിക്കുന്ന ചൂട്ടുവെയ്പ് ചടങ്ങ് ഭഗവതികുന്നിൽ ഇന്ന് നടക്കും. ഇന്നലെ രാത്രിയിൽ കരയുണർത്തലോടെ ഉത്സവ ചടങ്ങുകൾക്ക് തുടക്കമായി. വൈകിട്ട് നാലിന് മലനടയിൽ ഊരാളി പടയണി നടക്കും. കാവിനും കരയ്ക്കും കാവൽ നിൽക്കുന്ന മലകളെ വിളിച്ചുണർത്തുന്ന സംസ്‌കൃതിയുടെ പിതൃപൂജയാണ് മലയാരാധന.
ഇന്ന് രാത്രി അത്താഴപൂജയ്ക്ക് ശേഷം മേൽശാന്തി നാരായണമംഗലത്തില്ലം ഹരികൃഷ്ണൻ പോറ്റി പകർന്നുനൽകുന്ന ദീപത്തിൽ നിന്ന് കൊളുത്തുന്ന ചൂട്ടുകറ്റ പടയണി ആശാൻ ഇട്ടിമാടത്ത് കിഴക്കേതിൽ ദിലീപ് കുമാർ ഏറ്റുവാങ്ങും. ചൂട്ടുകറ്റ ഏറ്റുവാങ്ങുന്നതോടെ കരവാസികൾ ആർപ്പും കുരവയുമായി കാവുണർത്തി ചൂട്ടുവലത്തോടെ പടയണിക്കളത്തിലെ കന്നിക്കോണിൽ കരക്കാരുടെ അനുവാദത്തോടെ സ്ഥാപിക്കും. പച്ചത്തപ്പിൽ ജീവ കൊട്ടുന്നതോടെ പടയണിക്ക് തുടക്കമാവും. ഇനിയുള്ള മൂന്നു രാവുകളിലെ കാവുണർത്തലിന് ശേഷം എട്ട് പടയണിക്ക് തുടക്കംകുറിച്ച് മാർച്ച് ഏഴിന് കാച്ചിക്കടുപ്പിച്ച തപ്പിൽ ജീവ കൊട്ടുന്നതോടെ കൊട്ടും പാട്ടും കുരവയുമായി പടയണിക്കളത്തിലേക്ക് കരകളുടെ വിവിധ ഭാഗങ്ങളിൽ നിന്നും ദേവതമാരുടെ വരവായി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
