അംരോഹ: അനധികൃതമായി പശുക്കടത്തും മാംസം വില്പനയും നടത്തുന്ന പ്രതിയെ പൊലീസ് വെടിവെച്ചുവീഴ്ത്തി. ഗൗത്‌സ്‌കര്‍ മൊഹ്‌സിനെയാണ് അംറോഹ പോലീസ് വെടിവെച്ചുവീഴ്ത്തിയത്. ഇയാള്‍ നിരവധി ക്രിമിനല്‍ കേസുകളിലെ പ്രതിയാണ്. ആഡംബര വാഹനത്തിലാണ് മാംസക്കടത്ത് നടത്തുന്നത്. കശാപ്പ് ചെയ്യുന്ന മാംസം ഡല്‍ഹി-എൻസിആര്‍ എന്നിവിടങ്ങളിലാണ് വില്പന നടത്തുന്നത്. സംഭവത്തില്‍ ഗൗത്‌സ്‌കര്‍ മൊഹ്‌സിന്റെ രണ്ട് കൂട്ടാളികളും പിടിയിലായിട്ടുണ്ട്. കശാപ്പിനായി കൊണ്ടുപോകുകയായിരുന്ന പശുവിനെയും പശുക്കിടാവിനെയും കള്ളക്കടത്ത് സംഘത്തിന്റെ പിടിയില്‍ നിന്ന് അംറോഹ പോലീസ് മോചിപ്പിച്ചു. കള്ളക്കടത്ത് സംഘത്തില്‍ ഉള്‍പ്പെട്ട മൊറാദാബാദ്, സംഭാല്‍, ഡല്‍ഹി എന്നിവിടങ്ങളിലെ ക്രിമിനലുകളായ അസം, ഡാനിഷ്, ഹനീഫ് എന്നിവര്‍ക്കായി തിരച്ചില്‍ തുടരുന്നതിനിടെയാണ്. കുപ്രസിദ്ധ ഗൗത്‌സ്‌കര്‍ മൊഹ്‌സിനും രണ്ട് കൂട്ടാളികളും ഏറ്റുമുട്ടലില്‍ വെടിയേറ്റ് പിടിയിലായത്.
കള്ളക്കടത്ത് സംഘത്തെക്കുറിച്ച്‌ കൃത്യമായ വിവരം ലഭിച്ചതിനെ തുടര്‍ന്ന് പോലീസും എസ്‌ഒജിയും സെയ്ദ് നഗരി പോലീസ് സ്റ്റേഷൻ പരിധിയിലെത്തിയ കാര്‍ പിന്തുടര്‍ന്ന് തടയുകയായിരുന്നു . അതിനിടെ കാറിലുണ്ടായിരുന്ന കള്ളക്കടത്തുകാര്‍ പോലീസിന് നേരെ വെടിയുതിര്‍ക്കുകയായിരുന്നു. തിരിച്ചടിയ്‌ക്കിടെയാണ് , ഗൗത്‌സ്‌കര്‍ മൊഹ്‌സിന് പരിക്കേറ്റത് . മൊഹ്‌സിനെതിരെ വിവിധ പോലീസ് സ്റ്റേഷനുകളില്‍ ഗുരുതരമായ ക്രിമിനല്‍ കേസുകള്‍ നിലവിലുണ്ട്. അംറോഹയിലും പരിസരപ്രദേശങ്ങളിലും നിന്ന് പശുക്കളെ പിടികൂടി ആഡംബര വാഹനങ്ങളില്‍ കാട്ടില്‍ എത്തിച്ച്‌ കശാപ്പ് ചെയ്ത ശേഷം ആഡംബര വാഹനങ്ങളില്‍ ഡല്‍ഹി-എൻസിആറില്‍ എത്തിച്ച്‌ മാംസം വില്പന നടത്തിയിരുന്നു.
