അടൂര്‍ : നഗരത്തില്‍ പുതിയതായി നിര്‍മ്മിച്ച ഇരട്ടപ്പാലങ്ങളില്‍ വാഹനങ്ങള്‍ അനധികൃതമായി പാര്‍ക്ക്‌ ചെയ്യുന്നത്‌ ഗതാഗത തടസം സൃഷ്‌ടിക്കുന്നു. വാഹന യാത്ര ക്രമീകരണങ്ങള്‍ കാര്യക്ഷമമല്ലാത്തതും പ്രശ്‌നങ്ങള്‍ സൃഷ്‌ടിക്കുന്നുണ്ട്‌. നിലവില്‍ പഴയ പാലത്തിലൂടെയാണ്‌ വാഹനങ്ങള്‍ പോകുന്നത്‌. എന്നാല്‍ വാഹനങ്ങള്‍ എങ്ങനെ പോകണമെന്നുള്ള തീരുമാനം എടുത്ത്‌ നടപ്പാക്കാന്‍ കഴിയാത്തതാണ്‌ ടൗണിലെ അശാസ്‌ത്രീയമായ ഗതാഗതത്തിനു കാരണം. ടൗണില്‍ ഏത്‌ പാലത്തിലൂടെ പോകണമെന്നത്‌ ഡ്രൈവര്‍മാരെ ആശയക്കുഴപ്പത്തിലാക്കുന്നു. പുതുതായി വന്നത്‌ ഉള്‍പ്പെടെ മൂന്ന്‌ പാലങ്ങളാണ്‌ കെ.എസ്‌.ആര്‍.ടി.സി. ജംഗ്ഷനില്‍ ഉള്ളത്‌. ഈ പാലത്തിലൂടെ തോന്നുംപടിയാണ്‌ വാഹനങ്ങള്‍ പോകുന്നത്‌. കെ.എസ്‌.ആര്‍.ടി.സി. ബസുകളും പഴയ പാലത്തിലൂടെ പോകുന്നത്‌ കാണാം. ചിലപ്പോള്‍ ഇരട്ടപ്പാലങ്ങളില്‍ ആദ്യത്തെ പാലത്തിലൂടെ അമിത വേഗത്തില്‍ പോകുന്നത്‌ കാണാം.
ഇതുവഴി വാഹനം വരില്ലെന്ന പ്രതീക്ഷയില്‍ റോഡ്‌ മുറിച്ച്‌ ക ടക്കുന്നവരേയും വാഹനങ്ങളേയും ഒന്നാമത്തെ പാലത്തിലൂടെ വരുന്ന വാഹനങ്ങള്‍ ഇടിച്ച്‌ അപകടം സംഭവിക്കാം. കിഴക്കുനിന്ന്‌ വരുന്ന വാഹനങ്ങളും പടി ഞ്ഞാറുനിന്ന്‌ വരുന്ന വാഹനങ്ങളും ഏത്‌ പാലത്തിലൂടെ പോകണമെന്നറിയാത്തതിനാല്‍ ഇഷ്‌ടമുളള പാലത്തിലൂടെ പോകും. ഇത്‌ വലിയ അപകടങ്ങള്‍ക്ക്‌ ഇടയാക്കും. ഇരട്ടപ്പാലങ്ങളില്‍ ആദ്യത്തേതിന്‌ മുന്നിലൂടെ ഓട്ടോറിക്ഷകള്‍ സ്‌റ്റാന്‍ഡിലേക്ക്‌ പ്രവേശിക്കുമ്പോള്‍ പാലത്തിലൂടെ വരുന്ന വാഹനങ്ങളുമായി കൂട്ടിയിടിച്ച്‌ അപകടം സംഭവിക്കാനുള്ള സാധ്യതയുണ്ട്‌. കെ.എസ്‌.ആര്‍.ടി സി ബസുകള്‍ വേഗതയിലാണ്‌ പാലത്തിലൂടെ പോകുന്നത്‌. ഇതും അപകടങ്ങള്‍ക്കിടയാക്കും. ഇരട്ടപ്പാലങ്ങള്‍ ഉദ്‌ഘാടനം കഴിഞ്ഞ്‌ നാളേറെയായെങ്കിലും വാഹനങ്ങള്‍ എങ്ങനെ പോകണമെന്നത്‌ സംബന്ധിച്ച്‌ തീരുമാനം ഒന്നും നടപ്പായിട്ടില്ല. ഇവിടെ വാഹനം ഓടിക്കുന്നവരുടെ ആശയക്കുഴപ്പം പരിഹരിക്കാന്‍ അറിയിപ്പ്‌ ബോര്‍ഡുകളും ഇല്ല.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
