ന്യൂഡല്‍ഹി : കിഴക്കല്‍ ലഡാക്കിന് പുറമെ അരുണാചല്‍ അതിര്‍ത്തി നിയിഞ്ചിയിലും ചൈനീസ് സേനാ സന്നാഹം. ഇന്ത്യയും പ്രതിരോധ നടപടികള്‍ തുടങ്ങിയതായി സൈനിക വൃത്തങ്ങള്‍ അറിയിച്ചു. സുരക്ഷാ ക്രമീകരണങ്ങള്‍ വിലയിരുത്താന്‍ പ്രതിരോധ മന്ത്രിയും സേനാമേധാവിയും നാളെ ലഡാക്ക് സന്ദര്‍ശിക്കും. അരുണാചല്‍ അതിര്‍ത്തിക്ക് സമീപം നിയിഞ്ചിയില്‍ അടിസ്ഥാന സൗകര്യങ്ങള്‍ മെച്ചപ്പെടുത്തി ശക്തമായ സജ്ജീകരണങ്ങള്‍ ചൈന ഒരുക്കിയതായാണ് റിപ്പോര്‍ട്ടുകള്‍. എയര്‍പോര്‍ട്ട്, ഹെലിപോര്‍ട്ട്, റെയില്‍വെ സ്റ്റേഷന്‍ അടക്കമുള്ളവ സജ്ജമാക്കിയതായി വ്യക്തമാക്കുന്ന സാറ്റലൈറ്റ് ചിത്രങ്ങളാണ് പുറത്തുവന്നിട്ടുള്ളത്. തവാങ്, വലോക് എന്നിവിടങ്ങളില്‍ ചൈനീസ് നീക്കം.
