ദില്ലി: രാജ്യത്ത് കൊവിഡ് കേസുകള് വീണ്ടും കൂടി. ഇന്ത്യയില് വ്യാഴാഴ്ച 1,300 പുതിയ കൊവിഡ് കേസുകള് സ്ഥിരീകരിച്ചു. തുടര്ച്ചയായ എട്ടാം ദിവസവും രാജ്യത്ത് കൊവിഡ് ബാധിതര് ആയിരത്തിന് മുകളിലാണ്. 140 ദിവസത്തിനിടെ ഏറ്റവും ഉയര്ന്ന കണക്കാണിത്. 1.46 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 24 മണിക്കൂറിനിടെ മൂന്ന് പേര് കൊവിഡ് ബാധിച്ച് മരിച്ചു. മരണനിരക്ക് 1.19 ശതമാനമാണ്.
കൊവിഡ് കേസുകളില് വര്ധന രേഖപ്പെടുത്തുന്ന സാഹചര്യത്തില് മുന്കരുതലും ജാഗ്രത നിര്ദ്ദേശങ്ങളും പാലിക്കാന് ജനങ്ങളോട് പ്രധാനമന്ത്രി ഇന്നലെ നിര്ദ്ദേശിച്ചിരുന്നു. അതേസമയം, കൂടുതല് നിയന്ത്രണങ്ങള് നടപ്പാക്കുന്നതിനെ കുറിച്ച് ഇന്നലെ ചേര്ന്ന ഉന്നതതല യോഗത്തില് തീരുമാനിച്ചില്ല. കൊവിഡിനൊപ്പം പനി അടക്കം മറ്റു രോഗങ്ങളും റിപ്പോര്ട്ട് ചെയ്യുന്ന സാഹചര്യത്തില് നീരീക്ഷണവും പരിശോധനയും ശക്തമാക്കണമെന്നും ആവശ്യമരുന്നുകളുടെ ലഭ്യത ഉറപ്പാക്കണമെന്നും പ്രധാനമന്ത്രി നിര്ദ്ദേശം നല്കി. കൊവിഡിന്റെ പശ്ചാത്തലത്തില് കേരളത്തിലും ജാഗ്രതാ നിര്ദേശം നല്കിയിട്ടുണ്ട്.
