ഡല്ഹി: മാധ്യമ സ്വാതന്ത്ര്യ സൂചികയില് 161ാം റാങ്കിലേക്ക് കൂപ്പുകുത്തി ഇന്ത്യ. നൂറ്റിയെണ്പത് രാജ്യങ്ങളുടെ പട്ടികയില് നൂറ്റി അറുപത്തിയൊന്നാം സ്ഥാനത്താണ് ഇന്ത്യ. കഴിഞ്ഞവര്ഷം നൂറ്റിയമ്പതാം സ്ഥാനത്തായിരുന്ന ഇന്ത്യ പതിനൊന്ന് സ്ഥാനങ്ങളാണ് താഴേക്ക് ഇറങ്ങിയത്. ആഗോള മാധ്യമ നിരീക്ഷണ സംഘടനയായ റിപ്പോര്ട്ടേഴ്സ് വിത്തൗട്ട് ബോര്ഡേഴ്സ് പുറത്തുവിട്ട ഏറ്റവും പുതിയ റിപ്പോര്ട്ടിലാണ് ഇന്ത്യ പിന്നോട്ട് പോയിരിക്കുന്നത്. മാധ്യമപ്രവര്ത്തകരുടെ അവസ്ഥ ഏറ്റവും ഗുരുതരമായ 31 രാജ്യങ്ങളില് ഇന്ത്യയും ഉള്പ്പെട്ടിട്ടുണ്ട്.
നോര്വേ, അയര്ലന്ഡ്, ഡെന്മാര്ക്ക് എന്നീ രാജ്യങ്ങള് പത്രസ്വാതന്ത്ര്യത്തില് യഥാക്രമം ആദ്യ മൂന്ന് സ്ഥാനങ്ങള് നിലനിര്ത്തി. അഫ്ഗാനിസ്ഥാനും ശ്രീലങ്കയും പാക്കിസ്ഥാനും ഇന്ത്യയേക്കാള് ഭേദപ്പെട്ട നിലയിലാണ്. കഴിഞ്ഞ വര്ഷം 157-ാം സ്ഥാനത്തായിരുന്ന പാകിസ്ഥാന് 150-ാം സ്ഥാനത്താണ്. ശ്രീലങ്കയും സൂചികയില് കാര്യമായ പുരോഗതി കൈവരിച്ചു. 2022-ലെ 146-ല് നിന്ന് ഈ വര്ഷം 135 -ാം സ്ഥാനത്തെത്താന് ശ്രീലങ്കക്ക് കഴിഞ്ഞു.
