ന്യൂഡല്ഹി : രാജ്യത്തെ മൊത്തവില സൂചികയെ അടിസ്ഥാനമാക്കിയുള്ള പണപ്പെരുപ്പത്തില് വന് വര്ധനവ്. 12 വര്ഷത്തിനിടയിലെ ഏറ്റവും ഉയര്ന്ന നിരക്കിലാണ് പണപ്പെരുപ്പം. 14.23 ശതമാനമായാണ് പണപ്പെരുപ്പം വര്ധിച്ചത്. കഴിഞ്ഞ 8 മാസമായി ഇരട്ടയക്കത്തിലാണ് മൊത്തവിലയെ അടിസ്ഥാനമാക്കിയുള്ള പണപ്പെരുപ്പം.
മിനറല് ഓയില്, ബേസിക് മെറ്റ്, ക്രൂഡ് പെട്രോളിയം, പ്രകൃതിവാതകം, രാസവസ്തുക്കള്, ഭക്ഷ്യവസ്തുക്കള് എന്നിവയുടെ വില ഉയര്ന്നതാണ് പണപ്പെരുപ്പം വര്ധിക്കുന്നതിലേക്ക് നയിച്ചതെന്ന് വാണിജ്യമന്ത്രാലയം അറിയിച്ചു. നവംബറില് റീടെയില് പണപ്പെരുപ്പവും ഉയര്ന്നിരുന്നു. 4.91 ശതമാനമായാണ് റീടെയില് പണപ്പെരുപ്പം വര്ധിച്ചത്.
