ജല്‍ജീവന്‍ മിഷന്‍ വോളന്റിയര്‍ നിയമനം
ജല്‍ജീവന്‍ മിഷന്‍ പ്രവര്‍ത്തനങ്ങള്‍ക്കായി കേരള ജല അതോറിറ്റി പ്രൊജക്ട് ഡിവിഷന്‍ അടൂര്‍ ഓഫീസിന് കീഴില്‍ പത്തനംതിട്ട ജില്ലയില്‍ വിവിധ സ്ഥലങ്ങളില്‍ വോളന്റിയര്‍മാരെ നിയമിക്കുന്നു.സിവില്‍ /മെക്കാനിക്കല്‍ എഞ്ചിനീയറിംഗില്‍ ഡിഗ്രി അല്ലെങ്കില്‍ ഡിപ്ലോമയോ / ഐടിഐ സിവില്‍ കൂടാതെ കമ്പ്യൂട്ടര്‍ പരിജ്ഞാനവും ഉളളവര്‍ക്ക് പങ്കെടുക്കാം. ജലവിതരണ രംഗത്ത് പ്രവര്‍ത്തി പരിചയം ഉളളവര്‍ക്ക് മുന്‍ഗണന. യോഗ്യരായവര്‍ ജൂണ്‍ 23 ന് രാവിലെ 11 മുതല്‍ മൂന്നുവരെ നടത്തുന്ന അഭിമുഖത്തില്‍ യോഗ്യത സര്‍ട്ടിഫിക്കറ്റുകളുടെ ഒറിജിനലും തിരിച്ചറിയല്‍ രേഖയും സഹിതം കേരള ജല അതോറിറ്റി പ്രൊജക്ട് ഡിവിഷന്‍ അടൂര്‍, എക്സിക്യൂട്ടീവ് എഞ്ചിനീയറുടെ ഓഫീസില്‍ ഹാജരാക്കണം.
ജല്‍ജീവന്‍ മിഷന്‍ വോളന്റിയര്‍ നിയമനം
കേരള ജല അതോറിറ്റി പ്രൊജക്ട് ഡിവിഷന്‍ അടൂര്‍ ഓഫീസിന് കീഴില്‍ ജല്‍ജീവന്‍ മിഷന്‍ പ്രവര്‍ത്തനങ്ങള്‍ക്കായി താത്കാലികമായി ഒരു ഡേറ്റഎന്‍ട്രി ഓപ്പറേറ്ററെ നിയമിക്കുന്നു. ഡിസിഎ/പിജിഡിസിഎ യോഗ്യതയുളളവര്‍ക്ക് പങ്കെടുക്കാം. പ്രവര്‍ത്തി പരിചയം ഉളളവര്‍ക്ക് മുന്‍ഗണന. യോഗ്യരായവര്‍ ജൂണ്‍ 23 ന് ഉച്ചയ്ക്ക് ശേഷം മൂന്നിന് നടത്തുന്ന അഭിമുഖത്തില്‍ യോഗ്യത സര്‍ട്ടിഫിക്കറ്റുകളുടെ ഒറിജിനലും തിരിച്ചറിയല്‍ രേഖയും സഹിതം കേരള ജല അതോറിറ്റി പ്രൊജക്ട് ഡിവിഷന്‍ അടൂര്‍. എക്സിക്യൂട്ടീവ് എഞ്ചിനീയറുടെ ഓഫീസില്‍ ഹാജരാക്കണം.
ക്വട്ടേഷന്‍
ഇലന്തൂര്‍ സര്‍ക്കാര്‍ ആര്‍ട്സ് ആന്റ് സയന്‍സ് കോളജിന് അനുവദിച്ചിട്ടുളളതും കോളജ് പ്രിന്‍സിപ്പലിന്റെ അധീനതയിലുളളതുമായ സ്ഥലത്ത് പഞ്ചായത്ത് ട്രീ കമ്മിറ്റികളുടെ നിര്‍ദ്ദേശപ്രകാരം മുറിച്ചിട്ടിരിക്കുന്ന വൃക്ഷ തടികള്‍ വാങ്ങാന്‍ താത്പര്യമുളള വ്യക്തികളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ജൂലൈ മൂന്നിന് രാവിലെ 11 വരെ.
ഫയര്‍ വുമണ്‍ (ട്രെയിനി) റാങ്ക് പട്ടിക നിശേഷമായി
പത്തനംതിട്ട ജില്ലയില്‍ ഫയര്‍ ആന്റ് റെസ്‌ക്യൂ സര്‍വീസസ് വകുപ്പില്‍ ഫയര്‍ വുമണ്‍ (ട്രെയിനി) (കാറ്റഗറി നം: 245/2020) തസ്തികയിലേക്ക് 20,000-45,800 രൂപ ശമ്പള നിരക്കില്‍ 03.04.2023 തീയതിയില്‍ നിലവില്‍ വന്ന 217/2023/ഡിഒഎച്ച് നമ്പര്‍ റാങ്ക് പട്ടിക മുഖ്യ പട്ടികയില്‍ ഉള്‍പ്പെട്ടിരുന്ന മുഴുവന്‍ ഉദ്യോഗാര്‍ഥികളെയും 03.05.2023 തീയതിയില്‍ നിയമന ശിപാര്‍ശ ചെയ്തതിനാല്‍ 04.05.2023 പൂര്‍വാഹ്നത്തില്‍ നിശേഷമായതായി പബ്ലിക് സര്‍വീസ് കമ്മീഷന്‍ പത്തനംതിട്ട ജില്ലാ ഓഫീസര്‍ അറിയിച്ചു.
അപേക്ഷ ക്ഷണിച്ചു
അടൂര്‍ ജനറല്‍ ആശുപത്രിയില്‍ ദിവസ വേതന അടിസ്ഥാനത്തില്‍ ബയോമോഡിക്കല്‍ എഞ്ചിനീയറെ നിയമിക്കാന്‍ യോഗ്യതയുളള ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. പ്രായപരിധി 01.07.2023 ല്‍ 40 വയസില്‍ കവിയാന്‍ പാടില്ല. അപേക്ഷ സ്വീകരിക്കുന്ന അവസാന തീയതി ജൂലൈ നാല്. വിദ്യാഭ്യാസ യോഗ്യത- ഡിപ്ലോമ / ബി ടെക് ഇന്‍ ബയോമെഡിക്കല്‍ എഞ്ചിനീയറിംഗ്. പ്രവര്‍ത്തി പരിചയമുളളവര്‍ക്ക് മുന്‍ഗണന.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
