പത്തനംതിട്ട : അന്താരാഷ്ട്ര വന ദിനാചരണത്തോടനുബന്ധിച്ച് പ്ലാസ്റ്റിക് മാലിന്യ നിർമാർജനം, വനസംരക്ഷണ പ്രതിജ്ഞ, വന ദിന സന്ദേശം നൽകൽ തുടങ്ങിയവ സംഘടിപ്പിച്ചു. പരിപാടിയുടെ ഉദ്ഘാടനം രാവിലെ 10 ന് മുണ്ടുമുഴി മോഡൽ ഫോറസ്റ്റ് സ്റ്റേഷൻ സമീപം വെച്ച് ശ്രീ. സ്വഭു എആർ (മെമ്പർ ഗ്രാമപഞ്ചായത്തു തണ്ണിത്തോട് )ഉദ്ഘാടനം ചെയ്തു. തദവസരത്തിൽ എസ്ബിഐ തണ്ണിത്തോട് ബ്രാഞ്ച് മാനേജർ ശ്രീമതി സുജിത എസ് ആശംസകൾ അറിയിച്ചു.
തണ്ണിത്തോട് വിഎസ്എസ് സെക്രട്ടറി വി ഗോപകുമാർ വനസംരക്ഷണ പ്രതിജ്ഞ ചൊല്ലിക്കൊടുത്തു. മൺ പിലാവ് വിഎസ്എസ് സെക്രട്ടറി നാരായണൻകുട്ടി എം ആർ വന ദിന സന്ദേശം നൽകി. മേക്കണ്ണം വിഎസ്എസ് സെക്രട്ടറി ജെഎസ് മുനീർ സ്വാഗതവും കൂത്താടി മൺ വിഎസ്എസ് സെക്രട്ടറി ശ്രീരാജ് കെ എസ് കൃതജ്ഞതയും പറഞ്ഞു. മുണ്ടൊമൂഴി മുതൽ മുഴി വരെയുള്ള വനം റോഡിലെ പ്ലാസ്റ്റിക് മാലിന്യങ്ങളാണ് നീക്കം ചെയ്തത്. കോന്നി എസ്എഎസ് എസ്എൻഡിപി യോഗം കോളേജിലെ എൻഎസ്എസ് യൂണിറ്റിന്റെയും തണ്ണിത്തോട്, മേക്കണ്ണം, കൂത്താടി മൺ, മൺ പിലാവ്, വില്ലൂന്നി പാറ വന സംരക്ഷണ സമിതികളുടെയും സഹകരണത്തോടെയാണ് പരിപാടി സംഘടിപ്പിച്ചത്.
