തിരുവനന്തപുരം : ഇന്നും നാളെയും എസ്ബിഐ ഇന്‍റര്‍നെറ്റ് ബാങ്കിങ് സേവനങ്ങള്‍ തടസപ്പെടും. ട്വിറ്ററിലൂടെ ബാങ്ക് ആണ് ഈ കാര്യം അറിയിച്ചത്. സാങ്കേതികപരമായുള്ള അറ്റകുറ്റപണികളാണ് സേവനങ്ങള്‍ തടസ്സപ്പെടുന്നതിന് കാരണം. യോനോ, യുപിഐ, യോനോ ബിസിനസ്, യോനോ ലൈറ്റ്, ഐഎംപിഎസ് തുടങ്ങിയ സേവനങ്ങള്‍ ഇന്നും നാളെയും ഉപഭോക്താക്കള്‍ക്ക് ലഭ്യമാകില്ല എന്നാണ് ബാങ്ക് അറിയിച്ചിട്ടുള്ളത്. സേവനം തടസ്സപ്പെടുന്നതില്‍ ഖേദിക്കുന്നതായും ഉപഭോക്താക്കള്‍ സഹകരിക്കണമെന്നും എസ്ബിഐ അഭ്യര്‍ത്ഥിച്ചു.
